Bayern Munich ayaa sii nooleysay riyadeeda ku aadan inay seddex koob soo xerogeliyaan xilli ciyaareedkan iyagoo 1-0 ku dubtay kooxda difaacaneysa German Cup ee Borussia Dortmund islamarkaana xaqiijistay booskooda semi-finalka koobka.

Gool uu dhaliyay Arjen Robben wax yar ka hor dhamaadkii qeybta hore ee ciyaarta ayaa kala saartay labada kooxood, iyadoo goolhayaha Borussia Dortmund Roman Weidenfeller uu fursado badan oo dahabi ah ka badbaadiyay kooxda FC Hollywood.

Lakiin daqiiqadii 43aad ee ciyaarta ayaa shaki galay daafaca Marcel Schmelzer waxa ay u ogolaatay Philipp Lahm inuu quudiyo Robben kaasoo isna kubada shabaqa ku hubsaday.



Ciyaarta oo xamaasad laheyd ayaa Bayern Munich ay u dabaaldegtay si weyn, madaama mudooyinkii u danbeysay ay ku adkeyd inay ka talaabsadaan kooxda heysata horyaalka Bundesliga ee Borussia Dortmund.

Dhanka kale kooxda Freiburg ayaa iyadana ku gudubtay semi-finalka ka dib markii ay 3-2 kaga talaabsatay Mainz, halka Stuttgart ay iyadana 2-0 dirtay kooxda Bochum.

Kooxda Chelsea ayaa buukimatay kulanka wareega 8da FA Cup ee Manchester United ka dib markii ay kulankii wareega 16ka ay 2-0 ku soo dardartay kooxda heerka labaad ee Middlesbrough oo marti loo ahaa.

Kooxda difaacaneysa koobkaan ayaa qeybtii hore ee ciyaarta ku dhibtootay inay shabaqa ka soo taabato kooxda Middlesbrough kuwaasoo kulan adag la ciyaaray Blues, laakiin Chelsea ayaa hogaanka u qabatay ciyaarta qeybtii labaad.

Ramires ayaana gool u saxiixay kooxda Blues ka dib shaqo fiican oo uu soo qabtay Oscar iyadoo kubada ay ku sii dhacday Torres ka hor inta aysan shabaqa gelin daqiqiadii 51aad ee ciyaarta.

Chelsea ayaana hogaanka sii dheereysatay daqiiqadii 72aad ee ciyaarta iyadoo kubad si wacan looga soo shaqeeyay gool ku dhaliyay, Hazard ayaa kubad taabasho ah la ciyaaray Oscar oo si wacan ugu sii dhigay kubad xiddiga reer Belgium ka hor inta uusan Hazard si deeqsinimo ah kubada ugu dhigin Moses oo shabaqa ku taabtay.

Waa goolkii lixaad ee Victor Moses uu u dhaliyay Chelsea tartamada oo dhan.





Goolashaas ay u kala dhaliyeen Ramires iyo Moses ayayna Chelsea kaga takhalustay kooxda Middlesbrough oo xilli ciyaareedkan ka muuqata horyaalka heerka labaad islamarkaana tartan ugu jirta inay Premier League ku soo laabato.

Waxaana natiijadan ay keentay kulan la sugayay oo wareega 8da FA Cup ku dhexmari doona kooxaha Manchester United iyo Chelsea iyadoo Blues ay booqan doonto Old Trafford.

Kulamada kale ee wareega 8da FA Cup waxaa ka mid ah Everton oo soo dhaweyn doonta Wigan, Man City oo Etihad Stadium ku qaabili doonta Barnsley, halka Millwall iyo Blackburn ay iyagana isku dhici doonaan.

Kulamada wareega 8da FA Cup waxaa la kala ciyaari doonaa 9ka iyo 10ka bisha soo socota.

- See more at: http://www.laacib.net/2013/02/28/chelsea-oo-garaacday-middlesbrough-xaqiijisayna-kulanka-wareega-8da-fa-cup-ee-manchester-united/#sthash.v6kR6CdA.dpuf

Tababaraha kooxda Chelsea Rafa Benitez ayaa weerar ku qaaday taageerayaasha kooxda Chelsea oo uu sheegay inay leeyihiin ajende isaga looga soo horjeedo, waxaana uuna dood ka keenay in kooxda ay siiso jagada ah tababaraha ku meel gaarka ah halkii loogu yeeri lahaa tababaraha kooxda.

Tababaraha reer Spain ayaa si qoto dheer ugu hadlay arimahan ka dib kulankii ay ku xaqiijisteen wareega 8da FA Cup oo ay taageerayaasha ay ku heesayeen “Rafa Banitez, waa naqaanaa waxaad tahay”.

“Waxaan ka niyadjabsanahay group ka tirsan taageerayaasha oo heesaya, waxaana qabaa inaysan wax axsaan ah u sameynoynin kooxda” ayuu Rafa Benitez u sheegay BBC Radio 5live.

“Waa inay taageeraan kooxda halkii ay waqtiga isaga dhumin lahaayeen sameynta booror iyo heeso aniga iga dhan ah.

“Waa inay taageeraan ciyaartoyda. Waxaan ahay tababare qibrad leh, ilaa maalinta ugu danbeysana shaqadeyda ugu fiican waan qabsan doonaa.

“Waxa ay isiiyeen jagada ah ‘tababare ku meel gaar ah’. Waa qalad aad u weyn. Aniga ayaa ah tababaraha, waxaana tababari doonaa kooxda ilaa daqiiqada ugu danbeysa.

“Hadii ay doonayaan inay waqtiga iska dhumiyaan sababtoo ah waxa ay leeyihiin qorshe, waa inay aqbalaan mas’uuliyada marka ay wax qaldamaan.



“Xaalada ma ahan ‘ waxaa dhaleeceynaa hebel iyo hebel’. Waa inay kooxda oo dhan taageeraan. Hadii aan wadajir muujino Champions League waan u soo bixi doonaa. Hadii kale, heesahooda ayay iska wadan karaan, laakiin waxa ay ku sameyn doonaan Europa League.

“Waa inay ogaadaan inaysan wax axsaan u sameyneynin taageerayaasha kale ee kooxda, iyo sidoo kale ciyaartoyda.

“Waxaan ahay qof shaqadiisa yaqaana, waxaana qabsanayaa shaqadeyda. Waxa aan doonayo ayaa ah inaan u badiyo kulan kasta Chelsea Football Club.

“Dhamaadka xilli ciyaareedkan waan bixi doonaa, waxba yaysan iga walwalin aniga.

“Wax kaliya ay tahay inay sameeyaan waa inay taageeraan kooxdooda, taageeraan ciyaartoyda. Waa group ajenda wata. Waa inay ogaadaan in taageerayaasha kale ay doonayaa in kooxda ay sannadka danbe ciyaarto Champions League.”

Tababaraha kooxda West Bromwich Steve Clarke ayaa bilaabay in weeraryahankiisa amaahda ugu jooga Lukaku ku cadaadiyo in uu ku qanciyo in kooxda hal xilli ciyaareed oo kale la sii joogo si ay uga faa`ideystaa farsamadiisa .

Xidigaan ayaa qudhiisa aamisan in xiligaan la joogo uusan boos joogto ah ka heleyn kooxda Chelsea ayna muhiim u tahay in uu qibrad ku sii qaato kooxdaan West Bromwich .

” Go`aanka ugu dambeeya waxaa leh kooxda Chelsea balse waxaan dooneynaa in laacibkaan sanad kale uu la sii joogo kooxda , waxaana haatan wadahadalo la furnay Lukaku” ayuu yiri tababaraha West Bromwich.

” Waxaan dooneynaa in Lukuku sii xoojisto qibradiisa si marka uu Chelsea ku laabto uusan u galin kursiga keydka , haatan aad ayuu u sii hor marayaa laacibka” ayuu ku sii daray Steve Clarke.



Chelsea ayay laacibkaas kaga baxday la soo wareegidiisa 18-milyan oo gini mana uusan helin ka qeyb gal wanaagsan kooxdiisa taas oo keentay in xagaagii hore amaah lagu diro , waxa uuna haatan dhaliyay 12 gool ka dib 25 kulan oo uu saftay West Bromwic

Warbixino ka imaanaya Ingiriiska ayaa sheegaya in kooxda Tottenham ay gaashaanka u daruureen dalab rasmi ah oo kaga yimid Real Madrid kaasi oo gaaraya 40 milyan oo gini oo ay ku doonayaan xidiga kooxda ee Grateh Bale.

Tottenham ayaa la tilmaamayaa in laacibkaasi hadiiba ay dhacdo in ay fasaxaan in kaliya ay kaga samri karaan aduun gaaraya 60 milyan oo euro halka Real-na u muuqato in taas ay ku adag tahay .

Kooxdaan reer Ingiriis dhankooda waxa ay u muuqanayaan kuwo fasaxaya laacibkaasi xilli badelka Gareth Bale ka heleen kooxdaReal Sociedad ee dhashay dalka faransiiska Antoine Griezmann kaasi oo ay haatan wadahadalo la fureen.


Waxaa xusid mudan in hishiiska Gareth Bale ee Tottenham uu dhamaanayo sanadka 2016-ka , waxaana ku baxaya bixitaankiisa lacag gaareysa 50-milyan oo euro , waxa uuna Bale doonaya in uu ka soo ciyaaro horyaal ka baxsan kan ingriiska , waxa uuna aad u xiisenaaa kooxda Real Madrid.

waxaa layaab leh inaad aragtid naadiga Real iyo toobabarihiisa haguhoreyee ineey aad ugu farxeyn badiskii ahaa 3-1 taas oo jamahiirta naadiga bilaabay ineey jijabiyaan naadiga banaankiisa iyo buuq iyo qeelo sameyeen laakin waxeey iloween markii lagaga badshay 5-0 oo bilaa buuq kudhamaatay ciyaartaas

bal nala daawo oo adiga xukun sawirada iyo video gaan 

Xidiga kooxda Real Madrid Ronaldo ayaa muujiyay sida weyn ee uu ugu faraxsan yahay guushii xalay ay ka soo hoyiyeen kulankii Barcelona ee Cope Del Rey kaasi oo ku dhamaaday sedex gool iyo hal oo ay guusha ku raacday wiilasha Jose Mourinho.

Lugtii hore ee ciyaartii ee ka dhacday garoonka Real Madrid ayaa ku dhamaaday bar bar dhac min hal gool ah, waxa ayna haatan Real Madrid u soo baxeen Finalka koobkaan Cope Del Rey .

Ciyaarta ka dib ayuu Ronaldo ka yiri bogga Real Madrid:  “Waxaan soo bandhignay ciyaar heerkeedu aad u sareeyo, waxaana muhiim ah in aan hambalyo u dirno kooxda , aad ayaan ugu wanaagsaneyn kulankii hore ee ka dhacay garoonkeena”.

Ronaldo ayaa dhaliyay laba ka mid ah sedexdii gool ee Real Madrid waxaana uu hadalkiisa raaciyay:  “Waxaan u ciyaarnaa hab wanaagsan marka Barcelona kula ciyaareyno banaanka garoonkeena taasi waxaa cadeyneysa taariikhda, aad ayan u jecelnahay in aan ku ciyaarno Camp Nou”.

Ronaldo ayaa hadalkiisa ku soo gabagabeeyay:  “Waxaa naga go`an in kulanka Sabtida ee Barcelona wada leenahay ee qeybta ka ah horyaalka in aan ka badino, sidoo kale waxaan u hanqal taageyna in Man United-na ka soo badino”

Tababaraha kooxda Chelsea ayaa ku dooday in uusan jirin wax khilaaf ah oo kala dhaxeeya kabtanka kooxda ee John Terry , waxa uuna hadalkaan Rafael Benítez soo baxayaa ka dib markii warbaahinta ingiriiska qoreen in uu jiro khilaaf xoogan oo kala dhaxeeya Terry taas oo la xariirta sababta kursiga keydka loo farsiiay kulankii City .

Rafael Benítez ayaa beeniyay in ay wax ka jiraan wararkaas tilmaamayay in mushkilad ay kala dhex aloosan tahay Joh Terry waxa uuna yiri: “Ma fahmi karo sababta dadka ugu maleynayaan in Terry uu dareemayo rajo beel inkastoo aan marar badan ku celceliyay in Terry yahay daafaca kooxda walina ku taageereyno in uu ka sii wanaagsanaado heerkiisa haatan”.

“John Terry ayaa ka sheeganayay dhaawac waxa uuna garoomada ka maqnaa 16-todobaad sidaa darteed si joogto ah uguma tiirsanaaneyno anaga oo ka carareeyna in dhaawaciisa soo cusboonaado, waxa ayna warbaahinta tilmaameysaa in mushkilad jirto taas waa been, dhamaan ciyaartooyda waan ka wada hadalnay guuldaradii City waana arin iska dabiici ah” ayuu ku daray macalin Rafael Benítez.

Mar wax laga weediiyay xariirka kala dhaxeeya Terry ayuu yiri ” aad ayay u wanaagsan tahay , wax dhibna ma jiro walina waa daafaca kooxda kaliya waxaan ka baqeynaa in dhaawaciisa uu soo cusboonaado “.

Kooxda Real Madrid oo uu hogaaminayo xiddigooda Cristiano Ronaldo ayaa cashar lama ilaawaan ah ugu dhigtay kooxda Barcelona garoonkeeda Camp Nou ka dib markii ay ku dubteen 3-1 lugta labaad ee semi-finalka Copa del Rey iyagoo finalka ugu gudbay wadar ahaan labada lug 4-2.

Kulankaan ayaa waxaa goob joog ka ahaa tababaraha Man United Sir Alex Ferguson iyo caawiyihiin Phelan oo daawaanayay Real Madrid oo ay wada ciyaarayaan Champions League, halka martida sharafta kale ee ka soo qeyb gashay ay ka mid ahaayeen Juliano Belleti, Christian Vieri & Andriy Shevchenko.

Fursadii ugu horeysay ee ciyaartana waxaa heshay Barcelona daqiiqadii 2aad markii Pedro uu kubad xerada ganaaxa dhexdeeda ugu dhiibay Messi kaasoo koontaroolay balse kubada hormariyay goolka halkii uu shabaqa abaari lahaa.

Barcelona ayaa ciyaarta ku bilaabatay si dardar xoogan ah iyagoo qeybihii hore cadaadis saarayay Real Madrid, laakiin taasi ayaa isbedeshay markii kubad loo dhex bixiyay Ronaldo uu diilinta ganaaxa la soo galay isagoo kubad hal iyo hal ah ku helay Pique kaasoo xamili waayay Ronaldo islamarkaana diilinta ganaaxa dhexdeeda ku dhigay dhulka.

Garsooraha ayaana tilmaamay daqiiqadii 12aad rigoore, iyadoo uu rigoorada u soo joogsaday Cristiano Ronaldo kaasoo shabaqa si habsami leh ugu hubsaday islamarkaana dabamariyay goolhaye Pinto.

Ronaldo ayaana ah ciyaaryahankii ugu horeyay ee isagoo marti ah lix kulan oo isku xigta gool ka dhaliya kulamada Clasico.

Barcelona ayaa kubada iska heysatay inta badan halka Madrid ay halis ku aheyd weerarada kubadaha counter attack, waxaana Blaugrana ay labo jeer ku dooday rigoore iyagoo ku dooday in Fabregas iyo Pedro qalad lagula galay diilinta ganaaxa dhexdeeda laakiin garsooraha ayaan dheg u dhigin.

Daqiiqadii 39aad ayaa Messi uu ku sigay goolka laad xor ah oo loo dhigay albaabka hore ee diilinta ganaaxa, taasoo si ciriiri ah ku ag martay goolka, iyadoo daqiiqad ka dib Sergio Ramos uu isna lugta la waayay oo ka soo daahay kubada ku taabasho aheyd ka dib markii uu helay karoos fiican.

Waxaana qeybtii hore oo ciyaar xamaasad laheyd la ciyaaray lagu kala nastay 1-0 oo ay hogaanka ku heysay kooxda Real Madrid.
Shan daqiiqo markii ay socotay qeybta labaad, Xabi Alonso ayaa kubad u dhex bixiyay Fabio Coentrao kaasoo dhanka bidix ka soo galay xerada ganaaxa, laakiin darbadiisa waxaa si sahlan kaga qabtay goolhaye Pinto.





Daqiiqadii ku xigtay Barcelona ayaa u dhawaatay inay shabaqa soo taabato, iyagoo kubado badan goolka ku celceliyay, ka dib waxaa fursad fiican helay Busquets oo kubad la helay goolka laakiin waxaa ka beeniyay goolhaye Lopez kubadii soo laabatay waxaa goolka dushiisa marsiiyay Fabregas.

Daqiiqadii 57aad ayaana Real Madrid ay hogaanka dheereysatay, ka dib markii Sami Khedria uu kubad dheer u dhigay Di Maria kaasoo orod ku maquuniyay daafaca Barca Carles Puyol ka hor inta uusan kubad la damcin goolka waxaa lugta ku sii taabtay goolhaye Pinto iyadoo ay si nadiif ah ugu tagtay Ronaldo oo dhanka midig ka soo galay xerada ganaaxa, inta uu xabad ku koontaroolay ayuu shabaqa si habsami leh u cusjiyay.

waxeey sheegay jornalka kasoo baxa spain ee layirahdo bayes in mourinho uu ku amaray lacibintiisa ineey beegsadaan Messi iyo Alvas sida eey uga baxaan ciyaarta oo khalkhal ugalaan.

hadaba rayigaas ayaa kasoo horjeestay laacibiin kamid yahay (Khedira,Varane,Carvalho) halka kale qaar kuraaceyn ineey sameyaan kuwaas oo kamid ah (Xabi Alonso,Raul Albiol)

kadib saxafadaas ayaa cara kamuujisay inuu sidaa kula taliyo lacibiintiisa taasi waxey abuureysaa in lasku dhaco iyo ciyaar nadiif laan ah.