Kulanka: Arsenal v Middlesbrough

Garoonka: Emirates Stadium

Waqtiga: 7pm Saacada Geeska Afrika

Kooxda difaacaneysa koobkaan islamarkaana ku guuleysatay 11 jeer Arsenal ayaa la filayaa inay ciyaarsiiso kulankiisii ugu horeysay saxiixoodii bishii Janaayo Gabriel Paulista kulanka ay caawa la ciyaarayaan kooxda Middlesbrough wareega 5aad ee FA Cup.

Per Mertesacker ayay u badan tahay inuu booska u baneyn doono, halka goolhaye Wojciech Szczesny ay u badan tahay inuu ku soo bilowdo oo uu booska kala baxo goolhayaha koowaad David Ospina.

Middlesbrough waxaa ka maqnaanaya xiddigaha aan koobkaan u ciyaari karin ee khadka dhexe Adam Forshaw iyo daafaca Daniel Alaya kaasoo dhaawac ah.

Daafaca amaahda uga soo maqan Chelsea Tomas Kalas ayaa dhaawac ah waxaana ay u badan tahay inuu seegi doono kulankaan.

Daafaca bidix George Friend ayaa ka soo laabanayaa xumad la ildarnaa, sidoo kale daafaca amaahda uga soo maqan Tottenham Ryan Federicks ayaa isna soo laabanaya.

Tababaraha Arsenal Arsene Wenger ayaa yiri isagoo ka hadlaya muhiimada koobkaan uu siiyo: “Anaga muhiim ayay noo tahay markastana FA Cupka si adag ayaan ugu tartanaa. Markasta kuma guulaysano laakiin waxaanu ku guulaysanay shan jeer intii aan kooxda joogay. Ma jiro qof intaa in ka badan ku guulaystay 18 kii sano ee ugu danbaysay sidaa daraadeed si xoogleh ayaanu ugu tartanaa, mararka qaar ayay Champions Leaque-ga naga dhibaataysaa.

“Marar badan ayuu FA Cupku ka soo horeeya Champions Leaque-ga, tusaale ahaan todobaadkan waxaanu ciyaaraynaa FA Cupka hadibna waxaanu ciyaaraynaa Champions Leaque-ga. marar badan ayaanu FA Cupka ciyaartoy ku waynay. Waxaan xusuustaa marmkii aanu man United FA Cupka la ciyaarnay ee aanu haddana saddex maalmood kadib Chelsea Chanpions Leaquega la ciyaarnay”.

SHAXDA MACQUULKA AH:

Arsenal: Szczesny; Bellerin, Koscielny, Gabriel, Gibbs; Coquelin, Flamini; Walcott, Cazorla, Rosicky; Welbeck

Middlesbrough: Konstantopoulos, Whitehead, Omeruo, Woodgate, Gibson, Clayton Friend, Adomah, Vossen, Reach, Bamford


 MA OGTAHAY?

• Waa markii sideedaad oo ay Arsenal iyo Middlesbrough isku soo aadeen koobka FA Cup, iyadoo Arsenal ay badisay shan ka mid ah todobadii kulan ee ugu danbeysay halka Boro ay badisay labo kulan.

• Kooxda Gunners ayaa laga badiyay hal kulan oo ka mid ah 40kii kulan ee ugu danbeysay ee FA Cup ee ay ku ciyaareen garoonkooda, 30 ka mid ah waa ay badiyeen.

Kulanka: Barcelona v Levante

Garoonka: Camp Nou

Waqtiga: 7pm Saacada Geeska Afrika

Barcelona ayaa caawa fiidkii waqtiga geeska Afrika waxa ay martigelin doontaa kooxda Levante iyadoo soo yareyn kara mar kale farqiga u dhaxeeya iyaga iyo Real Madrid oo haatan afar dhibcood ah ka dib markii xalayto ay badisay kooxda hogaanka heysa ee Los Blancos.

Kooxda tababare Luis Enrique ayaa ku jirta qaab ciyaareed aad u fiican iyadoo kulanka kaliya ee laga badiyay sannadkan 2015 uu yahay guuldaradii bilowgii sannadka ka soo gaartay Real Sociedad.

Enrique ayaa isbedel ku sameeyay shaxdiisa kulankii Copa del Rey ee ay ka badiyeen Villarreal, laakiin waxa ay u badan tahay inuu ku soo laaban doono kooxda uu La Liga safay isbuucii hore.

Seddexda xiddig ee khadka dhexe Ivan Rakitic, Sergio Busquets iyo Xavi ayaa dhamaantood la bedelay bartamihii isbuuca si la mid ah goolhaye Claudio Bravo, waxaana dhamaantood la filayaa inay ku soo bilowdaan kulanka caawa.

Levante ayaa u safreysa Camp Nou iyagoo ugu danbeeyay soo gabagabeeyay sagaal kulan oo guul la’aan ah markii ay isbuucii hore ka badiyeen kooxda Malaga.

Waxaana ay ku gaareen xitaa si fiican iyagoo afar gool ka dhaliyay kooxda Malaga, waxaana ay diiwaangashadeen guushoodii afaraad ee xilli ciyaareedka.

Marcelo ayaa awoodi waayay inuu dhameysto kulankii xalayto ay Real Madrid ka badisay Deportivo ka dib markii uu jug culus ay ka soo gaartay Laure. Si kastaba, warka wanaagsan ee u soo yeeray Los Blancos ayaa ah in daafaca reer Brazil inuu awoodi doono inuu ciyaaro kulanka arbacada ee lugta hore ee wareega 16ka Champions League.

Dhaawaca ayaa dhacay daqiiqadii 90aad markii daafaca bidix uu ka dhaawacmay canqowga, waxaana ay aheyd xilli Ancelotti uu sameeyay seddexda bedel ee uu loo ogol yahay, laakiin iyadoo ciyaarta ay badineysay Real Madrid, Marcelo kuma soo laabanin garoonka, waxaana uu iska bixiyay kabaha waxaana uu aaday kuraasta keydka.

Tababaraha Talyaaniga ayaana sheegay in dhaawaca uusan aheyn sidii markii hore looga cabsi qabay. “Kaliya waa jug yar, laakiin waxa ay ku dhacday dareemayaasha lugta taasoo ka dhigtay lugta mid aan dareen laheyn in cabaar ah. Haatan waa uu fiican yahay, waxaana uu awoodaa inuu ciyaaro kulanka Schalke.”

Ciyaaryahanka ayaa isna ku sheegay bogiisa Twitter in wax halis ah aysan aheyn islamarkaana kaliya ay aheyd cabsi uu qabay.

Maalin wanaagsan akhristayaasheena meel kasta oo aad joogtaan, ku soo dhawaada barnaamijkeena aan kaga hadalno suuqa kala iibsiga iyo wararkii ay ka qoreen wargeysyada, inkastoo suuqa kala iibsiga waqtiga qaboobaha uu soo xirmay hadana xanta halkaas kuma joogsato iyadoo durbaba la isku diyaarinayo suuqa kala iibsiga xagaaga.

Kooxaha ayaa haatan sii bartilmaameedsanaya ciyaartoyda ay doonayaan xagaaga, halka kuwa kale ay heshiisyo hordhac ah la sii galayaan ciyaartoyda qandaraaskooda uu dhacayo xagaaga. Waxaana saaka idiin soo uruurinay wararkii ugu waa weynaa ee ay qoreen wargeysyada Ingariiska.

West Ham ayaa ka fiirsaneysa inay u dhaqaaqdo saxiixa 26 jirka Manchester United Javier Hernandez kaasoo amaah ku jooga Real Madrid. (Daily Star)

Weeraryahanka Southampton Dani Osvaldo ayaa soo gabagabeeyay waqtigiisii xumaa ee Premier League isagoo ku biiray kooxdii uu ku soo barbaaray Boco Juniors ee dalka Argentina, waana kooxdiisii afaraad ee uu ku biro 13 bilood gudaheed. (Metro)

Manchester United ayaa weli fursad yar u heysata inay la soo wareegto xiddiga Borussia Dortmund Marco Reus inkastoo 25 jirkaan uu saxiixay dhawaan qandaraas cusub. Red Devils ayaa heli karta xiddiga Jarmalka haddii ay bixiyaan 50 milyan ginni. (Daily Star)

Arsene Wenger ayaa 20 milyan ginni ku dalbanaya daafaca bidix ee Real Madrid 26 sanno jirka Fabio Coentrao xagaaga soo socda. (Daily Express)

Xiddiga khadka dhexe ee reer Belgium ee kooxda Zenit 26 sanno jirka Axel Witsel ayaa si maldahan u sheegay inuu jeclaan lahaa inuu u dhaqaaqo kooxda Manchester United. (Metro)

Liverpool ayaa diyaar u ah inay kula tartanto Arsenal xagaaga saxiixa weeraryahanka Real Madrid Karim Benzema. (Daily Star)

Manchester United ayaa weli fursad u heysata inay kula soo wareegto xiddiga khadka dhexe ee Borussia Dortmund Marco Reus, sida ay ku warameyso jariirada Daily Star.

25 jirkaan Jarmalka ayaa dhawaan heshiis cusub oo shan sanno ah u saxiixay kooxda Dortmund, laakiin Red Devils ayaa weli la wareegi kartay Marco Reus haddii ay miiska soo saaraan 50 milyan ginni.

Sababta ay Dortmund ugu faraxsan tahay qandaraaska cusub ee Reus ayaa ah inay ku heli karaan xiddigooda lacag ka qaalisan lacagtii looga iibsan karay xagaaga, islamarkaana qandaraaska cusub uu wax weyn ku kordhinayo qiimaha ciyaaryahanka.

Lacagta kaashka ah ee ay Dortmund haatan ku fasixi karto Reus ayaa ah 50 milyan ginni, waana lacag ay awoodo inay bixiso kooxda Manchester United oo dhawaan heshiisyo qaali ah oo xayaysiin ah gashay.

Atletico Madrid iyo Real Madrid ayaa kulmi doona markii lixaad xilli ciyaareedkan, kulanka maanta ayaana ah mid ku saleysan tartanka horyaalka La Liga.

Waxa ay noqon doontaa kulankii 10aad ee Madrid derby ee dhexmara labada kooxood ee waa weyn ee Spain 12kii bilood ee ugu danbeysay, iyadoo Real aysan badinin tan iyo finalkii Champions League ee bishii May ee sannadkii hore.

Atletico ayaa durbaba ka heysata Real Madrid seddex guul iyo labo barbaro shantii kulan ee ay xilli ciyaareedkan ciyaareen, inkastoo ay todoba dhibcood ka hooseeyaan kala sareynta La Liga deriskooda hogaanka haya ee Real Madrid.

Real ayaa garaacday Sevilla kulankoodii u baaqday iyagoo afar dhibcood hogaanka kaga haya koxoda Barcelona, waxaana ay guushaas aheyd guushii shanaad ee isku xigta ee horyaalka.

Xaqiiqdiina, kooxda Carlo Ancelotti ayaa badisay 17 ka mid ah 18kii kulan ugu danbeysay ee horyaalka, waana koox kaliya ee aan barbaro weli gelin xilli ciyaareedkan horyaalka La Liga.

Kooxda Real Madrid waxaa ku soo laabanaya Cristiano Ronaldo kaasoo ganaax ku maqnaa waxaana uu raadinayaa inuu wax ku darsado 28ka gool ee uu La Liga ka dhaliyay xilli ciyaareedkan.

Xiddiga reer Portugal ayaana bedeli doona James Rodriguez kaasoo ku dhaawacmay kulankii Sevilla islamarkaana garoomada ka maqnaan doona muddo labo bilood ah.

Los Blancos ayaase dhibaato ay ka heysataa dhanka daafaca waxaa ka maqan Sergio Ramos oo bil iyo bar garoomada ka maqnaanaya ka dib dhaawac ka soo gaaray kulankii Sevilla, waxaana ganaax kaga maqnaanaya Marcelo, halka Pepe uu dhaawac ku maqan yahay. Varane iyo Nacho ayaana daafac dhexe ka ciyaari doona.

Dhanka Atletico Madrid wax dhibaato ah ma qabo tababare Diego Pablo Simeone kaasoo heysta koox buuxda oo aan waxba ka maqneyn.

Kulanka: Atletico Madrid v Real Madrid

Garoonka: Vincente Calderon

Waqtiga 6pm Saacada Geeska Afrika.

SHAXDA MACQUULKA AH:

Atletico Madrid: Moya; Juanfran, Godin, Miranda, Siqueira; Turan, Gabi, Tiago, Koke; Torres, Griezmann

Real Madrid: Casillas; Carvajal, Nacho, Varane, Coentrao; Isco, Kroos, Khedira; Bale, Benzema, Ronaldo

Juventus ayaa laga yaabaa inay hogaanka horyaalka Serie A ka dhigato 10 dhibcood ugu yaraan hal maalin marka ay maanta Turin ku soo dhaweynayaan kooxda AC Milan.

Kooxda horyaalka difaacaneysa ayaa wadada u saaran inay markii afaraad oo isku xigta hanato Scudetto, waxaana ay noqdaan kuwa xoogan isbuucyadii ugu danbeysay iyagoo qaab ciyaareed fiican ku jira taasoo keentay inay ka fogaadaan ugu kooxda ku soo xigta ee Roma.

Afar barbaro oo isku xigta oo ay gashay Roma ayaa ka dhigtay in Juventus ay sii fogaato iyagoo haatan hogaanka kaga haya todoba dhibcood.

Juve ayaase barbaro la gashay kulankii ugu danbeeyay kooxda Udinese, waana markii lixaad oo kooxda Allegri ay ku guuldareysatay inay dhibcaha buuxda hesho xilli ciyaareedkan, iyadoo guularadoodii ugu danbeysay ay aheyd 12 kulan ka hor.

Waxa ay shabaqa ilaashadeen afar kulan oo isku xigta tartamada oo dhan, waxaana xilli ciyaareedka oo dhan laga dhaliyay sagaal gool, iyagoo rikoorka daafaca ugu fiican Yurub la haya kooxda Bayern Munich ee dalka Jarmalka. Rikoorkooda ay shabaqa ku ilaashadeen 13 kulan ayaase ah kan ugu fiican shanta horyaal ee ugu waa weyn Yurub.

Garoonkooda ayay sidoo kale rikoor fiican ku heystaan iyadoo aan horyaalka looga badinin islamarkaana ay kaliya afar dhibcood ku hor dhumiyeen jamaahiirtooda xilli ciyaareedka oo dhan.

Allegri ayaan isbedel badan ku sameyn doonin kooxdiisa inkastoo laga yaabo inuu dib khadka dhexe ugu soo yeero Claudio Marchisio halka Arturo Vidal uu kooxda ku soo laabtay ka dib dhaawac uu ku maqnaa. Laakiin Martin Cerares iyo Allegri iyo Alessandro Marti oo dhawaan kooxda dib ugu soo laabtay ayaa seegaya kulankaan.

Carlos Tevez ayaa xumad ay heysaa waxaana ku jira shaki inuu ciyaari karo inkastoo tababare Allegri uu ku soo darsaday kooxda uu u soo xushay inuu kala hortago Milan.

Milan ayaa kulankaan u safreysa kooxda ay sida weyn u xafiiltamaan iyagoo 21 dhibcood oo buuxda ka danbeeya islamarkaana ku jira kaalinta 8aad, 10 dhibcood ayay u jiraan booska ugu danbeeya ee loogu soo baxayo Champions League, 11 dhibcood ayayna u jiraan booska ugu soo horeeya ee looga haro Serie A.

Si kastaba, waxa ay soo gabagabeeyeen shan kulan oo guul la’aan ah horyaalka iyagoo 3-1 ku garaacay kooxda hoose ee Parma.

Guushaas ayayse ku gaareen San Siro, si kastaba dhibaatadooda waxa ay taalaa marka ay gurigooda ka soo maqan yihiin. Rossoneri ayaa ku guuldareysatay inay badiso lixdii kulan ee ugu danbeysay ee ay martida ahaayeen, iyagoo badiyay kaliya labo kulan oo ay marti ahaayeen xilli ciyaareedka oo dhan.

Waxaa intaas sii dheer waxa ay guuldarooyinkii ugu badnaa (37) iyo goolashii ugu badnaa ee laga dhaliyay (124) ay ka soo gaareen Juventus horyaalka Serie A marka loo fiiriyo koox kale.

Tababaraha Rossoneri Filippo Inzaghi oo isaga hargab uu ku dhacay ayaa la tacaalaya dhaawacyada Riccardo Montolivo iyo Nigel de Jong, isagoo khadka dhexe ka ciyaarsiin doona sidexda ciyaaryahan ee Andrea Poli, Sulley Muntari iyo Michael Essien.

Dhanka daafaca saxiixyada cusub Gabriel Paletta iyo Luca Antonelli ayaa la filayaa inay kulankoodii ugu horeysay ciyaaraan halka Alessio Cerci uu u dagaalamayo booskiisa.

Kulanka: Tottenham v Arsenal

Garoonka: White Hart Lane

Waqtiga: 3:45pm Saacada Geeska Afrika

Garsoore: Martin Atkinson

Waa kulan weyn oo qeexi kara xilli ciyaareedka labada kooxood kuwaasoo ku tartamaya u soo bixitaanka Champions League ee xilli ciyaareedka danbe, waxaana u dhaxeysa kaliya labo dhibcood oo ay horeyso kooxda Gunners.

Tottenham ayaa laga badiyay kaliya labo kulan muddo 14kii kulan ee ugu danbeysay, halka Arsenal ay badisay 12 ka mid ah 15kii kulan ee ugu danbeysay.  Waxaana ay ku kala jiraan kaalinta shanaad iyo lixaad.

Arsenal ayaa ku qasban inay raadiso wado ay ku celiso Hary Kane. Waa inay isticmaalaan taatiko la mid ah tii ay ku celiyeen David Silva kulankii ay ka badiyeen Manchester City bishii hore.

Kane ayaa jecel inuu jeed jeediyo daafacyada. Haddii uu meel cidlo ah ku helo Per Mertesacker Arsenal dhibaato ayay geli doontaa. Da’ yarkaan taageeraha u soo ahaa kooxdiisa Spurs ayaana ah xiddig laga baqo waxa uu dhaliyay 20 gool xilli ciyaareedkan tartamada oo dhan.

Arsenal ayaa sidoo kale u baahan inay buuxiso booska uu baneeyay xiddiga ay natiijada ka sugaan ee Alexis Sanchez laakiin waxaa u soo laabtay Welbeck, iyadoo tababare Arsene Wenger uu rajeynayo inuu kulankiisii 700aad ee Premier League guul kula dabaaldego.

MAXAA KA CUSUB?

Xiddiga khadka dhexe ee Tottenham Nabil Bentaleb  ayaa diyaar u ah inuu wajaho Arsenal ka dib markii uu ka soo laabtay koobka Qaramada Afrika ee ka socda Equatorial Guinea.

Waxaana ay taasi la micno tahay in tababare Mauricio Pochettino uu heystay ciyaartoydiisa oo dhan.

Arsenal ayaa mar kale waxaa ka maqnaanaya weeraryahankooda Alexis Sanchez sababo la xiriira dhaawac muruqa ah laakiin Danny Welbeck ayaa ka soo kabsaday dhaawacii uu la maqnaa.

Jack Wilshere ayaan taam u aheyn kulankaan, halka Alex Oxlade-Chamberlain uu ka mid yahay xiddigaha ka maqan Gunners.

SHAXDA MACQUULKA AH:

Tottenham (4-2-3-1): Lloris; Walker, Fazio, Vertonghen, Rose; Bentaleb, Mason; Lamela, Dembele, Eriksen; Kane.

Arsenal (4-3-3): Ospina; Monreal, Koscielny, Per Mertesacker, Bellerin; Santi Cazorla, Coquelin, Aaron Ramsey; Mesut Ozil, Oliver Giroud, Theo Walcott.

Kulanka: Everton v Liverpool

Garoonka: Goodison Park

Waqtiga: 8:30pm Saacada Geesa Afrika

Garsoore: Anthony Taylor.

Waxa ugu danbeeyo ee uu Steven Gerrard doonayo ayaa ah in afarta bilood ee soo socota ay u noqoto macsalaameyntiisa horyaalka Ingariiska, gaar ahaan in mar walba lagu salaamo heestii laga sameeyay sibxashadiisii xilli ciyaareedkii hore marka uu ku ciyaaro meel ka baxsan Anfield.

Laakiin waa adag tahay inay dadka iska ilaawaan in kulankaan uu yahay kulankii ugu danbeeyay ee Merseyside Derby ee uu ka qeyb qaato Gerrard ka hor inta uusan u dhaqaaqin xagaaga Los Angeles.

Kulankiisii sagaalaad ee waayihiisa ciyaareed waxa uu ahaa kulankaan Merseyside derby, waxa uu ka ciyaarayay daafac midig, kulankiisii 701aad ayaana sidoo kale noqon doona kulanka Merseyside derby. Intii u dhaxeysay waxa uu ka horyimid Everton 31 jeer kale, isagoo ka dhaliyay 10 gool islamarkaana ku qaatay labo kaar casaan ah.

Dhanka kale Liverpool ayaa ku jirta qaab ciyaareed wanaagsan gaar ahaan kubadsameeyahooda Coutinho kaasoo wacdarro ka dhigaya Premier League xilli ciyaareedkan, waxaana ku soo laabtay gooldhaliyahooda Daniel Sturridge kaasoo ka garab ciyaari doona Sterling iyo Coutinho.

Dhinaca Everton guushii ay ka gaareen Crystal Palace isbuucii hore waxa ay aheyd mid la sugayay ka dib sagaal kulan oo ay guul la’aan ahaayeen.

MAXAA KA CUSUB?

Everton ayaa kulankiisii ugu horeysay ciyaarsiin karta Aaron Lennon kaasoo amaah kaga yimid Tottenham maalintii ugu danbeysay ee suuqa kala iibsiga.

Xiddiga khadka dhexe James McCarthy ayaa isna ka soo laabtay lix isbuuc oo uu dhaawac muruqa ah ku maqnaa.

Weeraryahanka Liverpool Daniel Sturridge ayaa ku soo bilaaban kara kulankiisii ugu horeysay ee kooxda ee tan iyo bishii August, isagoo bedel ku soo galay labadii kulan ee ugu danbeysay tan iyo markii uu dhaawac ka soo laabtay.

Waxaa shaki uu ku jiraa taam ahaanshahooda Lazar Markovic, Adam Lallana iyo Lucas Lieva.

SHAXDA MACQUULKA AH:

Everton (4-2-3-1): Robles; Coleman, Stones, Jagielka, Baines; Besic, Barry; McGeady, Naismith, Mirallas; Lukaku.

Liverpool (3-4-3): Mignolet; Sakho, Skrtel, Can; Moreno, Steven Gerrard, Jordan Henderson, Markovic; Philippe Coutinho, Raheem Sterling, Daniel Sturridge.

Kulanka: Aston Villa v Chelsea

Garoonka: Villa Park

Waqtiga: 6pm Saacada Geeska Afrika

Garsoore: Swarbrick

Kulankaan waa kulankii 100aad ee Paul Lambert ee Premier League ee intii uu macalin u ahaa Aston Villa, waana ognahay dhamaanteen waxa uu doonaya inuu ku maamuso munaasabadaan.

Goolal, gool kasta, kaliya wax uun uu kursiga keydka kaga soo kaco isagoo dabaaldegaya ka dib markii uu arkay kooxdiisa oo abaar dhanka goolasha ah ku jirta horyaalka muddo 10 saacadood iyo 12 daqiiqadood.

Dhanka kale tababare Jose Mourinho ayaa haminaya inuu guushiisii ugu horeysay ku gaaro Villa Park isagoo aan waligiis garoonkaan ku badinin, waana kulankii lixaad ee uu booqanayo.

Sidoo kale Chelsea ayaa dooneysa inay ka aarsato Aston Villa ka dib guuldaradii 1-0 ee ka soo gaartay xilli ciyaareedkii hore.

MAXAA KA CUSUB?

Kabtanka Aston Villa Ron Vlaar ayaa ku soo laabanaya kooxda kulanka ay la ciyaarayaan maanta Chelsea ka dib markii uu ka soo kabsaday dhaawac jilibka ah.

Xiddiga amaahda ugu yimid Scott Sinclair ayaa laga yaabaa inuu ku soo bilowdo kulankiisii ugu horeysay, halka Joe Cole uu ka soo laabanaya dhaawac muruqa ah.

Cesc Fabregas ayaa taam u ah Chelsea mar kale, laakiin Diego Costa ayaa ganaax ku maqan, halka Filipe Luis uu dhaawac kubka ah ku maqan yahay.

Xiddiga garabka ka ciyaara Juan Cuadrado ayaa laga yaabaa inuu ciyaaro kulankiisii ugu horeysay ka dib markii uu kooxda kaga soo biiray Fiorentina maalintii ugu danbeysay ee suuqa kala iibsiga ciyaartoyda.

SHAXDA MACQUULKA AH:

Aston Villa (4-3-3): Guzan; Hutton, Okore, Vlaar, Cissokho; Delph, Westwood, Cleverley; Gil, Benteke, Weimann.

Chelsea (4-2-3-1): Courtois; Ivanovic, Zouma, Terry, Azpilicueta; Fabregas, Matic; Hazard, Oscar, Willian; Drogba.