Macalinka reer Portugal ayaa shirkiisa jaraaid ee shalay kaga hadlay waxyaabo badan oo kusaabsan ciyaartii Liverpool, midda Atletico Madrid, dhaawacyada ciyaartoydiisa, John Terry ayaa kuwehlinayey shirkiisa jaraaid.

Kabtanka Blues ayaa shirka jaraaid furay, wuxuu sheegay in hadafkiisa bilowga xilli ciyaareedka ay aheyd inuu gaaro Final ka Champions League, wuxuu kaloo sheegay inuu qatar uheystay dhawaciisa uusana aaminsaneen markii hore inuu ciyaari doono xilli ciyaareedka inta kadhiman.

Terry ayaa sheegay inaysan jirin wax ka muhiimsan champions League “Kooxda hormar ayey sameeneysaa sanadba sanadka kadanbeeyo, taasna waxey muujineysaa shaqada aan qabaneeno, kooxda waxaan joogay taniyo markaan jiray 14 sano, waxaana rabaa inaan sii joogo illaa maalinta udanbeeso ee xirfadeeda kubada cagta”.

Terry ayaa aaminsan inuu sii ciyaari karo sanadka soo socda, wuxuu sheegay inuu jecel yahay in maalinta arbacada uu taageerayaasha Chelsea uhadiyeeyo guul si a ufarxaan “Kulamadaan oo kale waxaa fiican inaadan hadalka badinin, ciyaaryahan walba wuu garanayaa macnaha ay uleedahay waqtigaas”.

Dhanka kale Mourinho ayaa kahadlay shirka jaraaid, wuxuu sheegay in Atletico ay tahay koox adag, si wanaagsan udifaacanto, kulamada guuleesato, wuxuu sheegay in kudhawaad ay qaaden horyaalka Spain “Hazard waa diyaar lkn go’aanka aniga ayaa iska leh haddi aan kusoo bilaabi doono iyo haddi kale, waa kulan nag-har ah (kooxdi laga badiyo ay hareeso), ciyaar hal gool ay noqon karto natiijo kufilan, qof walba waa inuu qaab fiican uciyaaro”.

Wuxuu sheegay in 90 ka daqiiqo agtiisa ay ciyaaryahanadu qaali kuyihiin, uuna ku kalsoon yahay”Kulankii PSG wax ino harsanaa majirin, balse kulankaan labada koox waa isku mid, waa isku fursado, koox kafiican midda kale majirto”.

Wuxuu sheegay in talaadadi shalay uusoo wacay Brendan Rodgers uuna ugu hambaliyeeyay qaab ciyaareedkii wanaagsan iyo natiijada kooxdiisa ay kugaartay Anfield “Kooxda aan si fiican udifaactamin maheleeso fursado badan ay kubadiso ciyaarta, koox aan isku dheeli tirneen koox mahan” wuxuu hadalkiisa kusoo gabagabeeyay “Kabtanka kooxdeyda waxba iskama badalin, wuxuu uciyaarayaa sidu uciyaari jiray marka kooxda katagay 2007-2008, wada ciyaarsiinta isaga iyo Cahill waa wax aan larumeesan karin, wuxuu istaahila kabadan hal Champion, kulanka barina wuu kusoo bilaabanayaa”.

Kulanka: Chelsea v Atletico Madid

Garoonka: Stamford Bridge

Waqtiga: 9:45pm Saacada Geeska Afrika

Tababare Mourinho iyo tababare Diego Simieone ayaa mar kale qoorta isku geli doona iyadoo lugtii hore ee isbuucii hore ka dhacday Vicente Calderon ay ku soo kala baxeen barbaro goolal la’aan ah.

Atletico ayaana heysata fursad ah inay soo ilaashatay shabaqa garoonkeeda, halka Chelsea oo ciyaartoy badan dhigatay isbuucaan kulankii ay ka badiyeen Liverpool ay ka go’an tahay kaliya inay badiyaan.

MAXAA CUSUB?

Kabtanka Chelsea John Terry iyo ciyaaryahanka khadka dhexe Eden Hazard ayaa taam u ah kulanka caawa ee lugta labaad ee semi-finalka Champions League ee ay la leeyihiin Atletico Madrid laakiin goolhaye Peter Cech ayaa seegaya kulankaan.

Daafaca dhexe Terry ayaa ku dhaawacmay lugtii hore ee goolal la’aanta ku dhamaatay isagoo ka dhaawacmay canqowga halka Cech uu garabka ka kala baxay isla kulankaas.

Hazard ayaa isna ciyaari kara markii ugu horeysay tan iyo 8dii April iyadoo Samuel Eto’o uu isna taam yahay.

Kabtanka Atletico Madrid Gabi ayaa ganaax ah, iyadoo la filayo in ciyaaryahankii hore ee khadka dhexe ee Chelsea Tiago Mendes inuu booskiisa buuxiyo.

Mark Schwarzer oo shaqaba ilaashada labo kulan oo isku xigta intii uu Cech maqnaa ayaa ku soo bilaaban doona goolka.

Ciyaartoyda khadka dhexe Frank Lampard iyo John Obi Mikel ayaa ganaax ku maqan iyadoo Mohamed Salah iyo Matic ay ka reeban yihiin xilli ciyaareedkan inay Chelsea u ciyaaraan Champions League.

LINE-UPKA MACQUULKA AH:

Chelsea: Schwarzer; Azpilicueta, Cahill, Terry, Ivanovic; Ramires, David Luiz; Hazard, Oscar, Willian; Eto’o

Atletico Madrid: Courtois; Luis, Miranda, Godin, Juanfran; Villa, Suarez, Koke, Tiago, Garica; Costa

MA OGTAHAY?

• Atletico ayaa soo garaacday seddex kooxood oo hore u soo hanatay Champions League markii ay soo gaarayeen wareega afar dhamaadka, waxa ay soo garaaceen Porto, AC Milan iyo Barcelona.

• Chelsea lagama badinin 16kii kulan ee ugu danbeysay ee ay koox Isbaanish ah kula ciyaareen Champions League. Guuldaradoodii ugu danbeysay waxa ay ka soo gaartay Barcelona ciyaar ka dhacday Stamford Bridge bishii Febraayo 2006.

• Atletico ayaa kaliya laga dhaliyay shan gool 10 kulan oo Champions League oo ay ciyaareen xilli ciyaareedkan, taasoo ka dhigeysa kooxda ugu daafaca fiican tartanka.

• Diego Costa ayaa dhaliyay todoba gool oo Champions League ah xilli ciyaareedkan, waana in ka badan inta ay dhaliyeen ciyaaryahanada Chelsea ugu goolasha badan tartankaan marka la isku darro. Demba Ba, Fernando Torres iyo Eto’o ayaa dhamaantood dhaliyay seddex gool.

• Kulankaan ayaa isku keenaya labadii kooxood ee ugu danbeysay ee hanata Europa League.
• Boqolkiiba 86 goolashii Champions League looga dhaliyay Chelsea xilli ciyaareedkan waxa ay yimaadeen qeybta labaad.

Ciyaaryahanada Bayern Munich Bilal Ribery iyo Philipe Lahm ayaa sheegay inay dareemayaan niyadjab aad uweyn kadib guuldaradii adkeyd ee kasoo gaartay Real Madrid kulanka lugti labaad ee Semi Final ka koobka horyaalada yurub.

Real Madrid ayaa lugta labaad uga badisay 0-4 Bayern Munich oo Allianz Arena kuciyaareysay, halka lugti hore ee Bernaboa ay kudhamaatay 1-0, wadar ahaan labada lug ayey Real 5-0 ugu gudubtay Final ka Champions League.

“Waa dharbaaxo adag oo daran, qeybtii hore ee ciyaarta qof walbo wuxuu layaabanaa natiijada, waxaan sameenay qaladaad badan oo kaliftay inaan koobka weyno” ayuu usheegay Ribery saxaafada.

“Waa wax aan la aqbali karin in 2 gool lagaaga dhaliyo kubad lasoo qaaday, waa arrin ceeb ah lkn kubada cagta wey dhacdaa, muhiimadu waa inaan hadda kagaarna, waayo waxaan ciyaari doona Final ka German Cup” ayuu hadalkiisa sii raaciyey.

Dhanka kale kabtanka kooxda Bavarian Lahm ayaa qiray in kooxda Real Madrid ay uqalantay guusha iyo inay ugudubto Final ka koobka horyaalada yurub, wuxuu sheegay inay qaladaad toogasho lamid ah ay sameeyeen oo keentay inay kuguuldareestaan ciyaarta isagoo yiri “Waxaan dooneenay inaan ciyaarta awood kusoo galno balse waxaan luminay taxadarkeeni aan ka qabnay boosaska danbe, waa niyadjab weyn, balse tani waa kubada cagta, waa inaan aqbalnaa guuldarada sida aan aqbalno guusha oo aan ufaraxno”.

Real Madrid ayaa ugudubtay Final ka koobka horyaalada yurub iyadoo Lisbon kusugeeso midkood labada koox Chelsea ama Atletico Madrid middi soo baxdo habeen danbe, wadar ahaan 5-0 oo laga dhaliyey Bayern Munich ayey kaga hartay Champion League, Bale ayaa guushaan taariikhiga ah ka qeyb qaatay isagoo kacaawiyey Ronaldo inuu dhaliyo goolka seddexaad ee ciyaarta.

Bale oo lahadlay ciyaarta markee dhamaatay ITV isagoo sheegay “Waxey inoo tahay guul cajiib ah, waxaan umaleynaa inaan shaqo adag qabanay, xeeladaheena ayaan si sax ah uhirgalinay, si fiicana waan uciyaarnay, guushaana waan uqalanay”.

“Waxaan filayaa inay ciyaarta gacmaheena galiyeen, mar walbo waxey ina siinayeen boos banaan oo kusameeno weerarada rogaal celiska ah, waana midda aan jecelnahay, waxaan heysanaa ciyaaryahano xawaare dheereeya, kana faaideesan karo arrintaas, waan kufaraxsanahay inaan gaarnay Final ka, balse weli hal kulan ayaa haray” ayuu sii raaciyey hadalkiisa.

“Kulamada qaar waa ina shaqo gooni ah qabatid, mid walbo oo ciyaaryahanadeena katirsan wuxuu bixiyey boqolkiiba boqol caawa, qaab ciyaared fiican ayey so bandhigeen, natiijada ayaana muujineeso”.

Wuxuu hadalkiisa kusoo gabagabeeyay “Xaqiiqdii waa sababta aan u imaaday Real Madrid, waa sababta aan u imaaday kooxda ugu fiican adduunka, inaan koobab qaado, inaan kulamada waaweyn badiyo, weli kuma aanan guuleesan, waa nasugeeso ciyaar adag kooxdii soo baxdo Chelsea ama Atletico Madrid”.

Kooxda Macalin Ancelotti ayaa Final ka Lisbon ku arki doonta midkood Chelsea ama Atletico Madrid bisha May.

Ronaldo ayaa xalay dhigay rikoor cusub Champions League, isagoo noqday ciyaaryahanka abid dhaliya goolasha ugu badan hal xilli ciyaareed.

Goolka seddexaad uu udhaliyay kooxdiisa ayaa uga filneed inuu jabiyo rikooradii horey looga dhigay goolasha laga dhaliyey Champions League hal xilli ciyaareed.

rikooradaan ayey uyaaleen weeraryahanka reer Argentina ee uciyaara kooxda Barcelona Leonel Messi oo xilli ciyaareedkii (2011-2012) iyo Jose Altafini oo udhaliyay Milan (1962-1963) min 14 gool.

Kabtanka Chelsea John Terry, goolhaye Petr Cech iyo weeraryahanada Eden Hazard iyo Samuel Eto’o ayaa dhamaantood ka qeyb qaatay tababarkii maanta ka hor kulanka lugta labaad ee Champions League ee ay habeen danbe la ciyaarayaan Atletico Madrid.

Terry iyo Cech ayaa labadoodaba dhaawacyo ay soo gaareen kulankii lugta hore ee Vicente Calderon ka dhacay, midkoodna lama fileynin inay dib danbe u ciyaarayaan xilli ciyaareedkan, iyadoo goolhayaha reer Cech la sheegay in garabka uu kala baxay.

Hazard dhanka kale ayaa dhaawac muruqa ah uu soo gaaray kulankii wareega 8da ee PSG, halka Eto’o uu la dhibtoonayay dhibaato jilibka ah.

Laakiin dhamaan afarta ciyaaryahan ayaa maanta ka qeyb qaatay tababarkii Chelsea ee xarunta tababarka ee Cobham, laakiin weli lama oga haddii lagu soo dari doono kooxda wajaheysa Atletico habeen danbe.

Inkastoo uu tababarka ku soo laabtay Cech hadana tababar lama uusan qaadanin labada goolhaye kale ee Hilario iyo Mark Schwarzer.
Goolhayaha reer Australia Schwarzer ayaase weli la filayaa inuu ku soo bilowdo kulanka habeen danbe.

The Sun ayaa shaaca ka qaaday laacibiinta qatarta ugu jira inay seegaan Final-ka Champions League hadii ay kooxahooda u soo baxaan Finalka labada kulan ee la ciyaari doono caawa iyo habeen danbe.

1-Bayern Munich v Real Madrid:

Kulan kaan oo caawa la ciyaari doona ayaa kala go,aamin doona kooxda u soo bixi doonta Finalka Champions League waxaana seegi doona kulan ka Final-ka hadii ay caawa jaale qaataan:

Xabi Alonso, Sergio Ramos, Asier Illarramendi (Real Madrid), Mario Mandzukic (Bayern Munich).

Dhamaan laacibiintaan ayaa halis ugu jira inay seegaan Finalka Champions League hadii digniin la siiyo caawa oo ay kooxdooda u soo baxdo Final-ka.

2-Chelsea v Atletico Madrid:

Kulan kaan waxaa halis ku jira inay Final-ka seegaan hadii loo digo kooxdoodana ay u soo baxdo Finalka laacibiinta kala ah:

Koke, Emiliano Insua, Juan Francisco (Atletico Madrid).

Dhanka Chelsea waxaa Finalka Seegi Doona hadii loo digo: David Luiz iyo Willian.

Tababaraha kooxda Real Madrid Carlo Ancelotti ayaa u jawaabay laacibka kooxda Bayern Munich Arjen Robben iyo waliba tababaraha kooxda ee Pep Guardiola.

Ancelotti oo qabtay shirkiisa jaraa,id ee ka hor kulanka kala baxa ah ee caawa ayaa ka jawaabay hadal kii uu sheegay Robben kaas oo yiri waxaan gubi doona geedaha Allianz Arena si aan ugu gudubno Final-ka Champions League lakiin Ancelotti ayaa aaminsan in geedaha Allianz Arena ay biyo soo dayn doonaan halkii ay ka guban lahaayeen.

Ancelotti ayaa yiri “Taageerayaasha Bayern si wayn ayeey u garab taagan yihiin kooxdooda, taasna waa wax iska caadi ah marka laga hadlo kubadda cagta, waxay leeyihiin geedaha Allianz Arena ayaa guban doona lakiin biyo ayeey soo dayn doonaan wax walbana daqiiqado yar gudahood ayeey isku badali doonaan”.

Dhanka kale Ancelotti ayaa ka hadlay hadalkii Pep Guardiola oo ahaa in Real Madrid ay isku moodo inay u gudubtay Final-ka Champions League wuxuuna yiri:

“Fiicnaan laheedaa hadii aan gaari lahayn Final-ka, majiro qof aaminsan inaan si dhab ah ugu gudubnay Final-ka”.

“Waan ognahay in kulan kaan uu noqon doono mid adag oo aan laciyaari doono koox wayn, kaliya shaqo yar ayaan dheer nahay oo ah guushii kulan kii lugta hore, kuma fikirayno inaan u gudubnay Final-ka Champions League”.

Kooxda Barcelona ayaa wali wada isku dayga ay ku doonayso laacibka ugu qaalisan kooxda ree ingiriis ee Arsenal Mesut Ozil waxayna doonayaan inay la wareegaan dhamaadka xili ciyaareed kan.

Barnaamij ku saabsan suuqa kala iibsiga ee kooxaha Spain oo ka baxa TV laga leeyahay Spain ayaa sheegay in kooxda Barcelona ay si dhab ah u doonayso laacibka xulka jarmalka Mesut Ozil suuqa kala iibsiga ee xaggaaga.

Barnaamijka ayaa lagu sheegay in kooxda Barcelona ay si rasmi ah dalab u hor dhigtay tababaraha Arsenal Arsene Wenger kaas oo ah inay diyaar ula yihiin Pedro Rodriguez iyo laacib kale oo aan magaciisa la sheegin iyagoo ka doonaya isna inuu soo warejiyo Mesuto Ozil iyadoo wax lacag ah aan laka qaadanayn.

Ozil ayaa ah laacibka ugu qaalisan taariikhda kooxda Arsenal iyagoo ka soo iibsaday Real Madrid xaggiigii tagay waxaana la ogayn sida ay Arsenal ku aqbali doonto qorshahaan cusub ee ay ku doonayso Barcelona xidigooda ree Germany.

Halyeeygii hore ee kooxda Man United Gary Neville ayaa iska fogeeyay inuu qaban doono shaqada tababare nimo ee kooxdiisii hore isagoo sheegay in uusan ku fikirayn qabashada shaqadaas.

Isbuuc ka hor ayaa la cayriyay tababarihii kooxda Man United David Moyes waxaana si ku meel gaar ah loogu dhiibay kooxda Giggs oo laylin doona kooxda inta ka harsan xili ciyaareed kan.

Jamie Carragher ayaa waydiiyay Gary Neville iyagoo kuwada sugan istuudiyaha falanqaynta Sky Sports:

Malaga yaabaa inaad tababare u noqoto Man United xili ciyaareed ka soo socda?.

Gary Neville ayaa ku jawaabay “Maya, maqaban doono shaqadaas xili ciyaareed ka soo socdo, waana iska foogaynayaa fikirkaas”.