Weeraryahanka kooxda Chelsea ee Alvaro Morata ayaa qaabtay habeen uu doonayo in uu iloobo kulankii ay kooxdiisu guusha ka gaartay kooxda Burnley.
Morata ayaa fursad loo siiyay in uu is muujiyo isaga oo hogaaminayay weerarka Blues oo uu la hogaaminayay xiddiga Giroud waxana uu soo bandhigay qaab ciyaareed aad u liita.
Alvaro Morata ayaa iska khasaariyay fursad furan oo uu kaliya goolhayuhu ka xigo goolka waxana uu uga fal celiyay si waali ah mark badalka lagu sameeyay Laacibtv Ka Daawo Muuqaalkan

Chelsea ayaa guul muhiim ah ka soo gaadhay kooxda Burnley si ay u sii wadato rajada ay ka leedahay in ay kaalinta afraad ku dhamaysan karto xili ciyaareedkan iyada oo guushan ku soo gaadhay 2-1. Victor Moses ayaa guushan Blues ku soo hogaamiyay kadib markii uu dhaliyay goolka labaad iyada Ashley Barnes uu kansalay gool uu iska dhaliyay Kevin Long.
Chelsea ayaa haysata afar kulan oo kale oo ay rajadeeda kaalinta afraad ku sii raadin doonto waxayna wali u baahan tahay in kooxda kaalinta afraad ku jirta ee Tottenham ay dhibco kale lumiso.


Chelsea ayaa doonaysay in ay sii wadato rajada yar ee ay ka qabto in ay kaalinta afraad ku soo bixi karto waxayna rajo ka heshay labadii kulan ee ugu danbeeyay ee ay kooxda Tottenham lumisay shanta dhibcood iyo guushii ay Chelsea ka soo gaadhay Southampton laakiin markale Blues ayaa maraysay imtixaanka kooxda Burnley oo ku riyoonaysa in ay Europa League u soo baxdo.
Qaybtii hore ee ciyaarta ayaa ahayd mid aad u adag oo ay labada kooxood si wayn ugu dagaalameen laakiin kooxda Brunley ayaa nasiib daro ku lahayd in hogaanka ciyaarta looga hayay gool uu ciyaartoy kooxdeeda ahi iska dhaliyay waxayna ahayd qaybtii hore mid ay Burnley iska caabin wayn kala hortimdi Blues.
DAQIIQADII 20 aad Kooxda martida ahayd ee Chelsea ayaa heshay goolka kaliya ee qaybtii hore kulankan laga dhaliyay waxaana goolkan iska dhaliyay Kevin Long kaas oo shabaqa kooxdiisa Burnley gaadhsiiyay kubbad uu goolhaye Pope awoodi waayay in uu iska joojiyo.

Kooxda Atletico Madrid ayaa si dhab ah u lumisay rajadii yarayd ee ay ka lahayd koobka La Liga kadib markii ay xaquuq kala soo kulantay kooxda Real Sociedad oo ay marti u ahayd. Barcelona ayaa haddaba 3 dhibcood oo kaliya u jirta in ay koobka La Liga ku guulaysato laakiin iyada oo aan kubbad baasan ayay koobkan qaadi kartaa haddii ay dhibco kale Atletico Madrid ku lumiso kulamada Real Betis iyo Alaves oo ay ciyaari doonto ka hor Barcelona inta ayna La Liga ku soo laaban.
Barcelona ayaa oo iyaduba barbaro la gashay kooxda Celta Vigo laakiin guuldarada soo gaadhay Atletico Madrid ayaa ka dhigaysa in Barca ay haddaba hogaanka La Liga ku hayso 12 dhibcood oo saafi ah iyada oo shan kulan ka hadhsan yihiin dhamaadka xili ciyaareedkan.

Kooxda Real Sociedad ayaa 3-0 ku soo xasuuqday kooxda Diego Simeone ee Atletico Madrid iyada oo ay goolasha Sociedad kala dhaliyeen Willian José (27) Juanmi (80) Juanmi (90+2) waxayna hadda Atletico Madrid is arkaysaa iyada oo quus dhab ah ka taagan in ay Barca la tartanto.
Haddii ay Atletico Madrid wada guulaysato 5 kulan ee u hadhsan isla markaana ay Barcelona wada guuldaraysato 5 kulan ee u hadhsan oo kaliya ayay Atletico Madrid koobkan ku guulaysan kartaa taas oo hadda ah mid suurtogalnimadeedu aad u adag tahay.
Barcelona oo 83 dhibcood ka soo heshay 33 kulan ayaa 12 dhibcood ka saraysa Atletico Madrid oo 71 dhibcood ka heshay isla 33 kulan, taas oo la micno ah in haddii ay Atletico Madrid guuldaro kala kulanto Real Betis inta ay Barca ku mashquulsan tahay Copa Del Rey in markaas ay kooxda Valverde isla usbuuc kuwada guulaysan karto koobka La Liga iyo haddii ay Sevilla koobka boqorka Spain kaga adkaato.
Waxay hadda u muuqataa in Atletico Madrid ay muhiimada kowaad saari doonto afar dhamaadka Europa League oo ay Arsenal la ciyaari doonto taas oo waqtigii la filayay ka soo dadajin karta in koobka La Liga ay kooxda Valverde si rasmi ah oo xisaab ah ugu guulaysan karto.
Barcelona ayaa marka ay soo dhamaysato finalka Copa Del Rey la ciyaari doonta kooxda Deportivo waana kulanka ay La Liga ku guulaysan doonto haddii ay kooxda Atletico Madrid dhibco kale sii lumiso kulamada Real Betis iyo Alaves taas oo la micno ah in kulanka El Clasico-da ay Barca ciyaari doonto iyada oo Championska Spain ah.

Maamulka horyaalka La Liga ayaa si rasmi ah u shaaciyay taariikhda iyo waqtiga Camp Nou lagu ciyaari doono kulanka labaad ee El Clasico-da horyaalka La Liga iyada oo haddaba ay si rasmi ah jamaahiirta kubbada cagta aduunku ay jadwalkooda ugu darsan karaan. Sida caadada ah maamulka La Liga ayaa si rasmi ah u shaaciyay waqtiga la ciyaarayo kulanka heerka kooxood ee kubbada cagta ugu wayn ee Calsico-da.
Real Madrid ayaa Camp Nou soo booqan doonta maalinta axada ee May 6 marka ay saacada 8.45pm CEST wuxuuna kulanka El Clasico-du ka tirsan yahay kulamada 36 aad ee horyaalka La Liga. Barcelona ayaa hadda u baahan 6 dhibcood si ay koobka horyaalka La Liga ugu guulaysato iyada oo kulaka Clasico-du uu ka mid yahay kuwa ay koobkan ugu guulaysan karto.


Waxa uu noqon doonaa kulankii afraad ee El Clasico ah ee ay Barcelona iyo Real Madrid xili ciyaareedkan iskaga hor imanayaan iyaga oo hore laba kulan ugu soo wada ciyaaray Spanish Super Cupka kaas oo ay Real Madrid marti iyo minanba ku garaacday Barcelona.
Laakiin kooxda Valverde ayaa guul wayn ku soo gaadhay Santiago Bernabeu kulankii hore ee La Liga laakiin gabi ahaanba xaaladu waa mid ka duwan hadda iyada oo aanu wax shaki ahi ku jirin in Barcelona ay koobka La Liga ku guulaysanayso balse kaliya waxaa la sugayaa waqtiga uu noqon doono.
Laakiin xataa inta aan kulanka El Clasico-da aan kubbad la baasan ayay Barcelona ku sii guulaysan kartaa koobka La Liga haddii ay Atletico Madrid guuldarooyin kala kulanto saddex kulan oo ay ka hor waqtigan sii ciyaari doonto oo ah kulamada Real Socidad, Real Betis iyo Alaves isla markaana ay Barca guulaysato kulanka Deportivo maadaama oo ay Copa Del Rey inta kale ku mashquuli doonto.
Real Madrid ayaa ka hor kulanka El Clasico-da Camp Nou waxay ugu horayn u safri doontaa Bayern Munich kulanka lugta hore ee UEFA Champions League iyada oo kadib la ciyaari doonta Leganes iyo kulanka lugta labaad ee Bayern Munich oo ay Bernabeu ku soo dhawayn doonto.
Laakiin Barcelona ayaa ka hor kulanka El Clasico-da ku sii guulaysan karta koobkeedii 30 aad ee Copa Del Rey iyada oo xili ciyaareedkii afraad oo xidhiidh ah doonaysa in ay koobka boqorka Spain garoonkeeda Camp Nou markale ka soo dajiso inkasta oo Sevilla oo ay hore koobkan ugu soo xifiltameen ay isku wajihi doonaan garoonka Atletico Madrid.

Marka la gaaro dhamaadka xilli ciyaareedka horyaalada Yurub waxaa furmi doona suuqa kala iibsiga ciyaartoyda, laakiin ka hor ayay kooxaha sii calaamadeysanayaan xiddigaha ay doonayaan inay adkeeyaan kooxahooda ka hor xilli ciyaareedka soo socda.
Waxaan saaka idiin soo koobnay wararkii ugu muhiimsanaa ee ay qoreen wargeysyada Ingariiska, sugnaanshaha wararkaan laacib.net mas’uul kama ahan waxaana xuquuqdooda iska leh wargeysyada ku hor qoran.



Jose Mourinho ayaa doonaya inuu lasoo saxiixdo xidiga reer Brazil Fred si uu badal uga dhigo Paul Pogba, City ayaa sidoo kale dooneysa. (Mirror)
Real Madrid ayaa xiiseyneysa iney lasoo saxiixato Paul Pogba, balse Perez marnaba ma doonayo inuu xidigaan keeno xitaa hadii uu hoos u dhigo mushaarkiisa. (Express)
Man City ayaa quuldareyneysa iney lasoo saxiixato 19-jirka PSG Kylian Mbappe iyo 27-jirka Bayern Munich Thiago Alcantara. (Sky Sports)
Dortmund ayaa dooneysa iney si joogto ah ula wareegto Michy Batshuayi, balse Blues waxey doonesaa iney ku hesho xidigaan 50 Malyan oo Pound. (Evening Standard)
Luke Shawayaan wali go’aan ka gaarin mustaqbalkiisa Man United. 22-jirkaan heerka caalami waxaa la filayaa inuu dhamaadka xilli ciyaareedka go’aan qaato. (ESPN).
Barcelona ayaa kusoo biirtay kooxaha doonaya Anthony Martial iyadoo diyaar la ah 60 Malyan Oo Pound. Sidoo kale 17-jirka Fulham Ryan Sessegnon ayey ka doonayaan suuqa xagaaga. (Mail)
Tottenham Iyo Liverpool ayaa ka mid ah kooxaha wakiilada soo daawada u diray garabka reer Benfica & qaranka Serbia Andrija Zivkovic kulankii ay Axaddii la ciyaareen Porto. (The Sun)
Chelsea ayaa dooneysa iney aduun dhan 35 Malyan oo Pound kula soo wareegto xidiga Nice Jean Michael Seri, balse xidiga reer Ivory Coast wuxuu sugi doonaa macalinka xiga ee kooxda. (Mirror)
Kooxaha Reer China Tianjin Quanjian iyo Chongqing Dangdai ayaa si weyn u xiiseynaya kabtanka Barcelona Andreas Iniesta. (Mirror)

Mohamed Salah, hadal heyntiisa kama dhamaadaan shabakadaha caalamka, waxaana hubanti ah inuu saameyn ku yeeshay guud ahaan saxaafadda caalamka iyo jamaahiirta kubadda cagta.
Shabakadda The Sun lana mataan ah wargeyska kasoo baxa Ingiriiska ayaa sameysay talaabo wax ku ool ah kadib markii laba wariye oo masaari ah ay u dirtay tuulada Nagrig si ay usoo ogaadaan sida uu Mohamed Salah u caawinayo dadka ku nool halkii uu ku dhashay – waxeyna kasoo diyaariyeen warbixin cajiib ah.
Mahmoud Elsobky iyo Hani Yassin oo ah laba wariye oo Masaari ah ayaa xogtaan soo aruuriyay halka Tom Sheen oo ka mid ah qorayaasha The Sun uu warbixintaan kusoo xariiqay shabakadda.



DHISMO QABYO AH: Dhismahaan waxaa dhisaya hayadda Mohamed Salah waxaana laga rabaa xarun caafimaad oo ay adeegyo ku helaan dadka tuulada Nagrig.
25-jirka u dhashay dalka Masar wuxuu soo maray marxalado kala duwan min Basel, London, Roma ilaa hadda oo uu ku sugan yahay Merseyside – waxaan arki doonaa sida ay tahay nolosha tuuladiisa iyo waxqabadkiisa ku aadan halkaas.
Xilli ciyaareedkaan wuxuu ka yaabsaday dunida , wuxuu 90,000 kun ka qaataa Anfield iyadoo lagu qiimeeyo 200 Malyan oo Pound iyadoo lagu jaangoynayo sicirka suuqa iyo sida uu aduunyada isku baray, balse cidna ma oga sida uu u hormarinayo dadka Nagrig.
GURIGA: Halkaan waa guriga uu kusoo koray Mohamed Salah caruurnimadiisii.


Labadiisa waalid waxey u shaqeeyaan dowladda, halka aabahiis uu ka gacansan jiray ubaxyada, waliba ubaxyada cad-cad ee lagu qurxiyo guryaha.
Salah sida aan anaga ku riyooneyno hadda wuu ka hanti badan yahay, balse wuxuu u adeegsadaa si quman isagoo mar walba nolol qurux badan u raadiya dadka tuuladiisa.


DHISME ISBITAAL: Waa mid ka mid ah shaqaalaha dhismaha Isbitaalka ay hay’adda Mohamed Salah ka hirgalineyso Nagrig. Wali lama dhameynin


Sidoo kale Salah wuxuu bixiyay qalabka caafimaad iyo sahay kala duwan – sidoo kale wuxuu u iibiyay mashiin maalintii 50 qof loogu adeegi karo.
Sidoo kale warbixinta ay The Sun soo sameysay waxaa lagu qeexay inuu tuuladiisa ka hirgaliyay markii ugu horesay gaadiidka gurmadka deg-degga ah, isagoo iibiyay gawaari xawaare leh oo dadka loogu adeego.
Sidoo kale hay’adiisa waxey dad badan oo tuulad adagan ka caawisaa waxyaabaha sida weyn loogu baahan yahay ee nolosha la xiriira, 3,500 Pound ayuu ku bixiyaa bishii.
Xiddiga Liverpool, sidoo kale wuxuu maalgaliyay dhisme ay leeyahiin dhalinyarada, iskuul gabdhaha ah iyo xarumo caafimaad.
Tuuladiisa hadda waxaa looga yaqaanaa Mohamed Salah “Midkii dadka ka farxiyay”
SAWIRADA ISKUULKA GABDHAHA:


The Sun waxey sidoo kale qirtay in si ay u hubiyaan wax walba oo la sheegay ay fadhi la yeesheen duqa Nagrig ahna madaxa fulinta hay’adda Mohamed Salah Maher Shatiyah.
“Salah waa shaqsi nadiif ah, inkastoo uu caan noqday, hadana waligiis ma iloobin waxa ku saabsan xaafadiisa” ayuu yiri Shatiyah.
“Wuxuu sameeyay nuucyo badan oo caawinaad ah, ugu horreyntii wuxuu sameeyay xarumo cunto oo hoos yimaada dagmada, sidoo kalana gaadiidkii ugu horeeyay ee gurmadka ayuu hirgaliyay” ayuu mar kale yiri.


Halkani waa xarunta ciyaaraha ee Nagrig – waxaana loogu magac daray Mohamed Salah, taasoo ka dhigan iney dadka magaalada aad u sharfeen.

​Dhibicdii ay ka heleen Celta Vigo xalay waxey si gaabis ah ugu riixday iney horyaalka La Liga ku guuleystaan, balse sidoo kale waxey soo dhaweysay iney laba koob ku wada guuleystaan inta lagu jiro isbuuca soo aadan.
Koobka koowaad wuxuu noqon doonaa Copa del Rey, balse waa iney guul ka helaan kooxda Sevilla maadaama ay habeenka sabtida isku wajahi doonaan garoonka Wanda Metraplitano.
Balse Blaugrana waxey ku guuleysan kartaa horyaalka La Liga – hadii ay dhacaan laba arrimood oo aysan u badneyn iney dhacdo.


Marka ugu horeysa – Real Madrid iney caawa guuldaro kala kulanto kooxda Athletic Bilabo kulan ka dhici doona garoonka Estadio Santiago Bernabeu, waana natiijo xaqiijin karta in Madrid uu horyaalka xisaab ahaan kaga dhintay.
Intaas waxaa sii dheer in Barcelona ay rajeyso wixii markaas ka dambeeya in Atletico Madrid ay laba kulan oo xiriir ah guuldareysato – kulanka ay habeen dambe la ciyaari doonto Real Sociedad iyo kulanka xidga ee Real Betis.
Wey adag tahay iney sadexdaan dhacdo is raacdo si ay Barcelona isbuuca soo aadan ugu dabaal dagto laba koob, balse sidey u badan tahay horyaalka La Liga dhankeeda ayuu u dhintay.

​Weeraryahanka Paris Saint Germain Neymar Junior ayaa mar qura ka farxiyay dadka reer Brazil ee sugaya inuu soo caafimaado kadib markii uu carabka ku dhuftay waqtiga uu kasoo kabanayo dhaawaca uu la jiifo haatan ee u diiday inuu garoomada kubadda cagta ciyaaro.
Neymar wuxuu ka jabay cagta intii lagu jiray bishii February ee lasoo dhaafay, tan iyo markaas kama soo muuqan garoomada kubadda cagta, balse haatan wuxuu shaaca ka qaaday inuu soo laaban doono bartamaha bisha May.
Neymar oo ka qeyb galay bandhig ay shirkadda laga leeyahay dalka China bandhig ku saabsan qalab ay soo saarto uga sameyneysay magaalada Sao Paulo ayaa la weydiiyay waxa ku saabsan dhaawaciisa.


Neymar inkastoo uu shaaca ka qaaday waqtiga hadana walaac yar ayuu ku abuuray qof walba maadaama uu sheegay in tijaabada labaad ay wax walba ku xiran tahay lagana yaabo iney arinta sida la fiayo ka xumaato.
“Ma jiro waqti rasmi ah, tijaabadii ugu dambeysay ee aan maray, hadii aanan qaldamin – mana hubo waa 17-ka May” ayuu yiri Neymar Junior.
“Waxaa la cadeyn doonaa inaan ciyaaro. Kadib waan arki doonaa, waxey ku xiran tahay sida aan hormar u sameeyo, waxey ku xiran tahay tijaabada xigta, wali wax la go’aamiyay ma jiraan”


“Waxaan rajeynaa inaan Tv-yada ka daawan koobka Aduunka”
“Waxaan heystaa waqti fiican oo aan isugu diyaariyo, waxaan gaari doonaa halkaas anigoo sidii hore ka fiican”

Halyeeygii hore Brazil Ronaldo de Assis Moreira “Ronaldinho Gaúcho” ayaa booqasho ku yimid dalka Ethiopia oo daris la ah Somalia, waxeyna sababtu tahay inuu ka mid ahaa wafdigii ay shirkadda Heineken u xil saartay ine soo wareejiyaan koobka UEFA Champions League oo maraya heerarkiisii ugu dambeeyay.
Wasiirka arrimaha dibadda ee dalka Ethiopia Dr. Workneh Gebeyehu ayaa xafiiskiisa kusoo dhaweeyay xidigii hore Barcelona kaas oo sidoo kale soo dhaweyn aan caadi aheyn ka helay dadka reer Ethiopia ee aadka u jecel ciyaaraha.
Dr. Workneh wuxuu u sheegay Ronaldinho in diblomaasiyadda ciyaaraha ay hadda tahay midda ugu muhiimsan waqtigaan casriga ah.


Sidoo kale wuxuu carabka ku adkeeyay in ciyaaraha ay tahay kaliya mihnadda qura ee isku soo jiidda dad kala midab, jinsi iyo diin duwan – isla markaana ay tahay mihnad hormartay oo aduunka looga shaqeysto.
Dr Workneh oo faaninaya halyeeyada orodka looga haray ee dalkiisa sidoo kalana inyar tilmaamaya in Brazil ay tahay dadka kubadda cagta laga soo gaaray wuxuu yiri: “Brazil waa hoyga halyeeyada kubadda cagta, halka Ethiopia lagu garanayo iney hoy u tahay halyeeyada orodka dheer”


Si kastaba ha ahaateen Ronaldinho Caucho ayaa si weyn loogu soo dhaweeyay garoonka National Stadium halkaas oo kulan yar loogu sameynayay soo dhaweynta koobka horyaalada yurub.

​Xilli ay qaybtii hore ee ciyaartu dhamaatay xiddiguhuna galeen qolka Labiska Muuqaalka garsooraha caawiya ee VAR ayaa rikoore ku abaal mariyay koox kulan ka tirsanaa horyaalka Germany.
Kulanka ayaa u dhexeeyay kooxaha Mainz iyo Freiburg kulan ka tirsanaa horyaalka Bundesliga kaas oo la ciyaaray xalay oo Isniin ahayd.
Kulanka ayaa ahaa mid muhiim ah maadama ay labada kooxoodba u dagaalamayeen sidii ay uga sii mid ahaan lahaayeen horyaalka xilli ciyaareedka dambe.
Xiddigaha kooxda Freiburg ayaa ka dareeray garoonka si la mid ah kuwa Mainz laakiin garsooraha oo aan wali bixin ayaa loo sheegay in gacanta lagu qabtay kubada isaga  caawin ka helaya VAR
Garsooraha ayaan dib ugu yeedhay xiddigaha labada kooxood oo qolka labiska galay isaga oo sidaas ku dhigay rikoorada kooxda Mainz