Kulanka: Malaga v Real Madrid

Garoonka: La Roselda

Waqtiga: 10pm Saacada Geeska Afrika

Real Madrid ayaa u safreysa Malaga maanta iyagoo raadinaya inay dhibco kale sii kala dhex dhigaan iyaga iyo kooxaha kale ee ku ceyrsanaya La Liga.

Qaab ciyaareedka cajiibka ah ee Los Blancos ayaa u muuqda mid aan joogsaneynin waqti dhow, iyagoo badiyay 15kii kulan ee ugu danbeysay ee tartamada oo dhan, waxaana ay noqdeen haatan kooxda koowaad ee sida weyn looga baqo.

Iyadoo kooxaha kale ee la tartamaya sida Barcelona, Atletico Madrid iyo Valencia ay dhamaantood ciyaarayaan berri, kooxaha Carlo Ancelotti ayaa abuuran karta boos weyn ay ku neefsato iyadoo uu soo dhow yahay fasaxa xilliga qaboobaha ee uu gali doono La Liga.

Howsha Malaga u taala maanta waxaa sii adkeynaya xaqiiqda ah inay kaliya badiyeen hal kulan oo ka mid ah 25kii kulan ee ugu danbeysay ee ay ka horyimaadeen kooxaha heysa hogaanka horyaalka.

Si kastaba, Los Boquerones ayaan aheyn koox si sahlan la isaga riixi karo xilli ciyaareedkan iyagoo ka mid ah lixda kooxood ee ugu sareysa horyaalka, waxaana ay kaliya seddex dhibcood u jiraan booska ugu danbeeya ee loogu soo baxo Champions League.

Xaqiiqdiina Malaga ayaa dhawaan waxa ay badisay shan kulan oo isku xigta oo horyaalka ah taasoo keentay inay sarre u soo koraan miiska kala sareynta ka hor inta aysan guuldarro ka soo gaarin Atletico Madrid kulankoodii ugu danbeeyay.

Roque Santa Cruz ayaana ah xiddiga ay ku soo shirtageyso Malaga isagoo shabaqa ka soo taabanayay Madrid waqtiyadii u danbeysay waxaana uu dhaliyay seddex ka mid ah afartii gool ee ugu danbeysay ee ay Malaga ka dhalisay Los Blancos, waxaana uu rajeynayaa inuu wax ku darsado rikoorkaas kulanka caawa fiidkii ka dhacaya La Rosaleda.

Kooxda martida ah waxaa taam buuxda u soo noqday Gareth Bale, halka 26 jirka Cristiano Ronaldo uu doonayo inuu sii dheereysto shanta gool ee uu ka dhaliyay kooxda Javi Garcia.

Dhanka kale Iker Casillas ayay u badan tahay in shaxda dib loogu soo dari doono ka dib markii la nasasiiyay kulankii Champions League ee ay ka badiyeen Basel, halka Isco uu bedeli doono xiddiga dhaawacan ee Luka Modric.

Shaxda Macquulka Ah:

Malaga: Kameni, Torres, Sanchez, Welington, Antunes, Darder, Camacho, Castillejo, Juanmi, Samu, Santa Cruz

Real Madrid: Casillas; Marcelo, Ramos, Pepe, Carvajal; Kroos, Isco, James; Bale, Benzema, Ronaldo

Kulanka: Sunderland v Chelsea

Garoonka: Stadium of Light

Waqtiga: 8:30pm Saacada Geeska Afrika

Waxaa kaliya la joogaa dhamaadka bisha November, laakiin waxa ay uu muuqataa in dhamaan ereyada tilmaamayaasha wanaagsan oo dhan in loo isticmaalay qaab ciyaareedka Chelsea ee ilaa iyo haatan.

Inkastoo la ciyaaray kaliya 12 kulan oo horyaalka Chelsea ayaa durbaba loo arkaa kooxda ugu cadcad ee hananeysa horyaalka Ingariiska. Waa kuwa saldhigtay, qaab ciyaareed joogta ah soo bandhigaya, islamarkaana qibrad ay ka muuqata.

Waxaad kalsooni iyo laxan ciyaareed ka arki kartaa qaab ciyaareedkooda, iyo weliba farxada ka muuqata wajiga macalinkooda.

Kooxaha kale ee kula tartamaya horyaalka ayaana rajeynaya kaliya ee kulamada isku xigxiga ee ay wajaheyso Chelsea inay noqdaan kuwii ugu danbeyn ku qasbi lahaa inay dhibco badan dhumiyaan.

Kulankaan ayaana bilow u ah sideed kulan oo Premier League ah oo ay Chelsea ciyaari doonto 34 maalmood gudaheed oo ay ku jirto labo kulan oo ay la ciyaarayaan Tottenham, kulanka London derby ah oo ay la ciyaarayaan West Ham, iyo safar ay ku tagayaan Southampton. Haddii Chelsea ay sii noqoto koox aan weli dhinaca dhulka loo dhigin bisha Janaayo markaas waa in dhegaha koobka Premier League lagu sii xardho maryaha buluuga ah.

Waxa ay wajahayaan caawa kooxdii ugu danbeysay ee horyaalka kaga badisa. Sunderland ayaa Stamford Bridge ku garaacday Chelsea 19kii April ee sannadkan.

Laakiin Chelsea ayaa rikoor fiican ku heysata Stadium of Light iyagoo badiyay sagaalkii kulan ee ugu danbeysay ee ay booqdeen.

MAXAA KA CUSUB?

Ciyaaryahanka khadka dhexe ee Sunderland Ricky Alvarez ayaa safan doono kulankiisii ugu horeysay tan iyo bishii September ka dib markii uu ku soo laabtay tababarka oo uu ka soo kabsaday dhaawac jilibka.

Sebastian Coates ayaa isna kooxda ku soo laabtay laakiin Emanuele Giaccherini, Billy Jones iyo Patrick van Aanholt ayaa weli maqan.

Weeraryahanka Chelsea Diego Costa ayaa taam ah inkastoo la bedelay kulankii bartamaha isbuuca feejignaan darteed.

Daafaca Nathan Ake ayaa weli dhaawac ku maqan.

SHAXDA MACQUULKA AH:

Sunderland (4-1-4-1): Pantilimon; Vergini, Brown, O’Shea, Reveillere; Cattermole; Johnson, Gomez, Larsson, Wickham; Fletrcher.

Chelsea (4-2-3-1): Courtois; Azpilicueta, Terry, Cahill, Ivanovic; Matic, Fabregas; Hazard, Oscar, Willian, Costa.

SHANTII KULAN EE UGU DANBEYSAY EE STADIUM OF LIGHT EE HORYAALKA:

August 2009 – Sunderland 1-3 Chelsea

Febraayo 2011 – Sunderland 2-4 Chelsea

September 2011 – Sunderland 1-2 Chelsea

December 2012 – Sunderland 1-3 Chelsea

December 2013 – Sunderland 3-4 Chelsea

MA OGTAHAY?

• Sunderland ayaa raadineysa inay guusheedii seddexaad ee isku xigta ka gaarto Chelsea tartamada oo dhan.

• Si kastaba, Blues ayaan laga badinin 10kii kulan ee ugu danbeysay ee Premier League ee ay ku ciyaareen Stadium of Light, iyagoo badiyay sagaalkii ugu danbeysay.

• Guuldarro kale oo ay maanta ka gaaraan Sunderland waxa noqon doontaa rikoor cusub oo ah guuldaradii isku xigxigtay ee kooxda gurigeeda ku soo gaarta kana soo gaarta isla hal koox.

• Markii ugu danbeysay ee ay Black Ctas gurigeeda kaga badisay kulan horyaalka ah kooxda Chelsea waxa ay aheyd 14kii bishii October.

Kulanka: Man United v Hull City

Garoonka: Old Trafford

Waqtiga: 6pm Saacada Geeska Afrika

Kooxda Manchester United ayaa ka soo kabsaneysa dhaawacyadii dilooday xilli ciyaareedkan iyadoo qaar ka mid ah xiddigii dhaawaca uga maqnaa ay ku soo laabanayaan tababarka kooxda halka xitaa kuwa ka mid ah ay ciyaari karaan kulanka maanta ay soo dhaweynayaan kooxda Hull City.

United ayaa taariikh fiican ka heysata kooxda Hull City kuwaasoo ay ugu danbeysay inay Red Devils ka badiyaan muddo 40 sanadood ka hor, markaasoo labada kooxood ay kuwada jireen horyaalkii hore ee heerka labaad ee bishii November 1974.

Guushii ugu horeysay ee ay United ka gaartay kulanay marti aheyd xilli ciyaareedkan kulankii Arsenal ayaa ka dhigtay inay soo galaan afarta kooxood ee ugu sareysa horyaalka markii ugu hoseysay xilli ciyaareedkan. Waxaana ay heystaan fursad walba oo ay ku sii joogaan halkaan ka dib kulamada isbuucaan.

MAXAA KA CUSUB?

Xiddigaha Man United Radamel Falcao iyo Marcos Rojo ayaa ka soo laaban kara dhaawacyadii ay ku maqnaayeen si ay u wajahaan maanta Hull City.

Jonny Evans ayaa isna u ciyaaray kooxda juunyeerka isbuucaan laakiin waxaa la filayaa inuu sii maqnaado, iyadoo sidoo kale ay dhaawacyo ku maqnaanayaan Luke Shaw, Phil Jones, Rafael iyo Daley Blind.

Weeraryahanka Hull Abel Hernandez ayaa seegi doono safarka ay ku tagayaan Man United si uu goob joog ugu ahaado cunigiisa oo ku dhalanaya Uruguay.

Gaston Ramirez oo ganaaxay ayaa ah ciyaaryahanka kale ee ka maqan Hull.

SHAXDA MACQUULKA AH:

Man United (4-1-3-2): Dea Gea; Valencia, Smalling, McNair, Blackett; Carrick; Di Maria, Rooney, Herrera; Wilson, Van Persie.

Hull City (3-5-2): Davies, Dawson, Chester; Livermore, Huddleston, Robertson, Diame, Elmohamady; Jelavic, Ben Arfa.

SHANTA KULAN EE UGU DANBEYSAY EE HORYAALKA EE OLD TRAFFORD:

Septmeber 1935 – Man United 2-0 Hull City

Febraayo 1975 – Man United 2-0 Hull City

November 2008 – Man United 4-3 Hull City

Janaayo 2010 – Man United 4-0 Hull City

May 2014 – Man United 3-1 Hull City.

MA OGTAHAY?

• United ayaa badisay dhamaan lixdii kulan ee Premier League ee ay la ciyaareen Hull.

• Waxa ay dhaliyeen seddex gool ama wax ka badan shan ka mid ah lixdaas guul

• Kulankii ugu danbeysay ee horyaal ah ee ay Hull ka badiso Man United waxa ay aheyd horyaalkii heerka labaad ee November 1974.

Kulanka: Liverpool v Stoke City

Garoonka: Anfield

Waqtiga: 6pm Saacada Geeska Afrika

Ereyo badan ayaa laga qoray, wax badan ayaana laga hadlay beryihii u danbeysay kooxda Liverpool kuwaasoo kaalinta labaad ku dhameystay Premier League xilli ciyaareedkii hore laakiin ku guuldareystay inay muuqdaan xilli ciyaareedkan.

Goolhayihii hore ee Reds Bruce Grobbelaar ayaa sheegay isbuucan in tababaraha Liverpool uu heysto kaliya seddex isbuuc uu ku badbaadiyo shaqadiisa.

Tababaraha ayaana sheegay inuu dusha saaranaya mas’uuliyada buuxda ee qaab ciyaareed xumida kooxdiisa, taasoo keentay in durbaba laga badiyo lix kulan horyaalka, iyagoo barbareeyay guuldarooyinkii soo gaaray xilli ciyaareedkii hore oo dhan.

Liverpool ayaase wajaheysa maanta koox ay taariikh aad u fiican ka heystaan Stoke City, wax guuldarro ahna waligood kalama aysan kulmin kulan horyaalka heerka koowaad ah, waxaana laga joogaa muddo 21 sanadood ah markii ugu danbeysay ee ay Stoke City gool ku dhalisay Anfield kulan horyaalka ah.

MAXAA KA CUSUB?

Liverpool ayaa waxaa mar kale ka maqan Mario Balotelli sababo la xiriira dhaawac muruqa ah, sidaasi darteed Rickie Lambert ayaa hogaamin doona weerarka mar kale.

Tababare Brendan Rodgers ayaa sheegay inuu weli aaminka ku qabo goolhayaha qaab ciyaareedkiisa hoos u dhacay Simon Mignolet.

Diyaargarowgii Stoke ee kulankaan waxaa dhibaateeyay virus soo galay xaruntooda tababarka.

Asmir Begovic, Phil Bardsley iyo Geoff Cameron ayaa dhamaantood uu sameeyay virus-kaas laakiin diyaar waa ay u yihiin inay ciyaaraan halka Victor Moses ayaa dhaawac ku seegaya kulankaan.

Daafacyada Erik Pieters iyo Marc Wilson ayaa ku soo laabtay garoonka tababarka waxaana laga yaabaa inay ka qeyb qaataan ciyaarta. Waxa ay dhaawac ku seegeen kulankii ay guuldarada ka soo gaartay Burnley.

SHAXDA MACQUULKA AH:

Liverpool (4-1-4-1): Mignolet; Manquillo, Skrtel, Toure, Moreno; Lucas; Sterling Henderson, Gerrard Coutinho; Lambert.

Stoke City (4-2-3-1): Begovic; Pieters, Wilson, Shawcross, Bardsley; Sidwell Nzonzi; Arnautovic, Bojan, Waltersl Diouf.

SHANTII KULAN EE UGU DANBEYSAY EE ANFIELD:

August 2009 – Liverpool 4-0 Stoke

Febraayo 2011 – Liverpool 2-0 Stoke

Janaayo 2012 – Liverpool 0-0 Stoke

October 2012 –  Liverpool 0-0 Stoke

Agoosto 2013- Liverpool  1- Stoke

MA OGTAHAY?

• Stoke City kuma aysan badinin Anfield tan iyo 4-2 markii ay ku badiyeen horyaalka heerka labaad bishii March 2959kii. Waligood kagama aysan badinin Liverpool horyaalka heerka koowaad.

• Liverpool ayaa kaliya hal guuldarro ay ka soo gaartay todobadii kulan ee ugu danbeysay ee tartamada oo dhan ee ay la ciyaareen Stoke City.

• Kooxda Stoke ayaa ku guuldareysatay inay shabaqa soo taabato sideedii kulan ee ugu danbeysay ee horyaalka ee ay booqdeen Anfield.

• Markii ugu danbeysay ee ay Anfield gool kaga dhaliyeen kulanka horyaalka ah waxa ay aheyd guuldaradii 5-1 ee soo gaartay 5tii bishii March 1983, waxaana ay aheyd xilli ciyaareedkii ugu danbeysay ee Bob Paisley macalin ka ahaa Reds.

Kulanka: West Brom v Arsenal

Garoonka: The Hawthorns

Waqtiga: 3:45 pm Saacada Geeska Afrika.

Arsenal ayaa xaqiijistay booskooda wareega 16ka Champions League xilli ciyaareedkii 15aad ee isku xiga, laakiin in muddo ah ayaa laga joogaa tan iyo markii ay wax farxad ah ka helaan horyaalka Premier League.

Dhaawacyo ayaa qeyb libaax leh ka ciyaaray xilli ciyaareedkooda, laakiin sidoo kale dib u dhacyo la yaqaano ayaa soo wajahay, Arsenal ayaana heysata dhibcihii ugu yar ee 12 kulan ka dib tan iyo xilli ciyaareedkii 1982-83. Arsene Wenger ayaana lagu kala qeybsan yahay mustaqbalkiisa si ka badan sidii loogu kala qeybsamay magacaabistiisa 18 sanadood ka hor markaasoo cinwaan caan noqday lagu daabacay jariirada London Evening Standar oo soo qortay ‘Arsene Who?’ Arsene waa kuma – ayuu cinwaankaas.

Laakiin waxa ay rajeynayaan inay waxoogaa farxad ah ka helaan kulanka duhurnimada maanta, iyadoo Arsenal ay mar walba guul ka rajeyso garoonka Hawthorns, madaama looga badiyay kaliya hal kulan 21kii kulan ee ugu danbeysay ee ay booqdeen.

MAXAA KA CUSUB?

Weeraryahanka ugu goolasha badan West Brom Saido Berahino ayaa diyaar u ah kooxda inkastoo la shaaciyay in la xiray xilli uu waday gaari isagoo cabsan.

Claudio Yacob ayay u bilaabaneysaa ganaaxiisa, Jonas Olsson ayaa isna dhaawac ah, halka James Morrison iyo Sebastien Pocognoli ay shaki ku jiraan.

Ciyaaryahanka khadka dhexe ee Arsenal Jack Wilshere ayaa garoomada ka maqnaanaya muddo seddex bilood ah ka dib qaliin looga sameeyay canqowga.

Mikel Arteta ayaa dhibaato ka qaba kubka, halka Szczesny, Danny Welbeck iyo Yaya Sanogo ay dhamaantood dhaawacyo ka soo kabsanayaan.

Theo Walcott, Mesut Ozil, Mathieu Debuchy, David Ospina iyo Abou Diaby ayay hubal tahay inay dhaawac ku seegayaan kulankaan.

SHAXDA MACQUULKA AH:

West Brom (4-2-3-1): Foster; Wisdom, Dawson, Lescott, Pocognoll; Gardner, Mulumbu; Dorrans, Sessegnon, Brunt; Berahino.

Arsenal (4-2-3-1): Szczesny; Gibbs, Monreal, Mertesacker, Chambers; Flamini, Ramsey; Cazorla, Sanchez, Chamberlain; Giroud.

MA OGTAHAY?

• West Brom ayaa Arsenal ka badisay kaliya hal jeer sideedii kulan ee ay ku ciyaareen The Hawthorns ee horyaalka Premier League, xiddigii hore ee Gunners Kanu ayaa ka mid ahaa xiddigihii goosha u dhaliyay West Brom kulankaas ay 2-1 ku badisay bishii October 2005tii.

• Arsenal ayaa badisay 11 ka mid ah 16kii kulan ee Premier League ee ay minan iyi marti la ciyaareen West Brom, oo ay ku jirto shan kulan oo ay badiyeen lixdii kulan ee ugu danbeysay.

• Gunners ayaan marnaba ku guuldareysanin inay shabaqa soo taabato 11 kulan oo tartamada oo dhan ah oo ay marti u aheyd West Brom intii uu macalin u ahaa Arsene Wenger.

Difaaca kooxda Barcelona ee Jèrèmy Mathieu ayaa ka soo muuqday saxaafada ka hor kulanka ay Barcelona booqan doonto kooxdiisii hore ee Valencia.Barcelona ayaa kulan adag ugu safri doonta kooxda Velencia oo xili ciyaareedkan ku jirta qaab ciyaareed fiican.

Mathieu ayaa xagaagii dhawaa Barcelona kaga soo biiray dhinaca kooxda Valencia wuxuuna dib ugu laabanayaa Mestalla markii ugu horaysay, waxaana wax laga waydiiyay sida uu u arko kulaabashada Valencia wuxuuna yidhi: “Anigu kulankani wuxuu ii yahay mid khaas ah, waxaan u ciyaari doonaa qaabkii aan hore ugu ciyaari jiray, aad ayay u fiican tahay inaan Mestalla ku soo laabtaa meshaas oo aan waqti dheer ku soo qaatay”.

Mathieu ayaa la su’aalay dareenka uu ka qabo dhaawaca Thomas Vermaelen kaas oo qaliin lagu samynayo wuxuuna yidhi: “Vermaelen aad ayay ugu adagtahay sidoo kale kooxda ayay wax adag ku tahay sababtoo ah ciyaartoy aan waynay. Waxaan eegi doonaa in kooxdu ay ciyaartoy la soo wareegto si kooxda loo soo buuxiyo. Hadda waxaanu haysanaa saddex difaac dhexe oo kaliya, Vermaelen na waqti dheer ayuu maqnaanaya”.

Mathieu ayaa sidoo kale su’aal laga waydiiyay mustaqbalka Lionel Messi kaas oo lala xidhiidhiyay inuu kooxda Jose Mourinho ee Chelsea ku biirayo wuxuuna yidhi: “Anigu arintaa waxba kama ogi, laakiin waxaan rajaynayaa inuu waayihiisa ciyaareed Barcelona ku dhamysto, sababtoo ah waa ciyaartoy halyay ah markastana halkan ayuu soo joogay. Waxaan filayaa inuu halkan waayihiisa ciyaareed ku dhamaysan doono”.Mourinho ayaa shirkiisii jaraa’id ee maanta ku beenayay inay Messi la soo wareegayaan.

Mathieu ayaa ugu danbayn wax laga waydiiyay warka ay Real Madrid ka soo saartay hadalkii Platini wuxuuna yidhi: “Arinta Platini waa mid shaqsi ah, Real Madrid waxay difaacayaan ciyaartoygooda, Barcelona waa inay iyaduna si lamid ah u difaacdaa Lionel Messi laakiin waan eegi doonaa cida ku guulaysata”.

FIFPro iyo FIFA ayaa maanta shaaciyay 15ka ciyaartoy ee khadka dhexe ee u sharaxan abaalmarinta shaxda sannadka adduunka ee FIFA FIFPro World XI 2014, iyagoo qeyb ka ah 55ta ciyaaryahan ee u sharaxan 11ka xiddig ee ugu fiicnaa sannadkan 2014 oo la dhameystiri doono 1da bisha December.

Ka dib markii la shaaciyay shanta goolhaye ee u sharaxan booska goolhayaha, iyo 20ka daafac ee u sharaxan booska afarta daafac, iyo haatan oo la shaaciyay 15ka khadka dhexe ee uu sharaxan seddexda boos ee khadka dhexe, FIFA ayaa shaacin doonta 15ka weeraryahan ee u sharaxan seddexda weerar maalinta isniinta ee 1da December,

Shan ciyaaryahan oo ka ciyaarta Premier League ayaa ka mid ah liiskaan sida Angel di Maria, Fabregas, Hazard, Mesut Ozil iyo Yaya Toure, halka sidoo kale ay ku jiraan seddex xiddig oo Juventus u ciyaarta sida Pirlo, Pogba iyo Arturo Vidal. Halka horyaalka La Liga ay ka sharaxan yihiin shan xiddig oo kala ah Xavi, Iniesta, Modric, James Rodrigurz iyo Kroos.

Xabi Alonso (Spain / FC Bayern München); Angel Di Maria (Argentina / Manchester United FC); Cesc Fabregas (Spain / Chelsea FC); Eden Hazard (Belgium / Chelsea FC); Xavi Hernandez (Spain / FC Barcelona); Andres Iniesta (Spain / FC Barcelona); Toni Kroos (Germany / Real Madrid CF); Luka Modric (Croatia / Real Madrid CF); Mesut Oezil (Germany / Arsenal FC); Andrea Pirlo (Italy / Juventus FC); Paul Pogba (France / Juventus FC); James Rodriguez (Colombia / Real Madrid CF); Bastian Schweinsteiger (Germany / FC Bayern München); Yaya Toure (Côte d’Ivoire / Manchester City FC); Arturo Vidal (Chile / Juventus FC).

Wargeyska Daily Express ayaa sheegaya in Lionel Messi uu ka fiirsanayo inuu u dhaqaaqo Chelsea marka la gaaro xagaaga, iyadoo xiddiga reer Argentina uu muran dhanka lacagta ah kula jiro kooxda Barcelona.

Wargeyskaan Ingariiska ayaa sheegaya in weeraryahanka uu diyaar u yahay inuu isku dayo inuu u dhaqaaqo Stamford Bridge, iyadoo Adidas ay ka caawineysa inuu heshiiskaas dhaco.

Barcelona ayaa 200 milyan ginni dul dhigtay madaxa Messi laakiin iyagoo caawimaad ka helaya shirkada Isboortiga Adidas oo xiriir la leh Messi iyo Chelsea heshiiskaan ayaa ah mid dhici kara.

Adidas waxa ay dooneysaa inay Chelsea ka caawiso qiimaha lacagta halka Messi oo ah xiddig ay heshiis xayaysiin kula jiraan ay doonayaan inuu ka ciyaaro meel uu ku helayo qiimaha uu aaminsan yahay inuu u qalmo.

Wargeyska Daily Express ayaana sheegaya inay hayaan cadeymo muujinaya in Messi uu ku wajahan yahay Chelsea, iyagoo sheegay in Fabregas oo saaxiib dhow la ah Messi inuu doonayo inuu ka dhaadhiciyo inuu yimaado London.

Messi oo dhawaan rikooro waa weyn jabiyay ayaana aaminsan inuu u qalmo in mushahar ahaan loo siiyo lacag ka badan lacagta uu Cristiano Ronaldo ka qaato Real Madrid.

Alvaro Arbeloa ayaa la fajacsan in madaxweynaha Uefa Michel Platini uu aaminsan yahay in xiddig Jarmal ah uu ku guuleysto abaalmarinta Ballon d’Or halkii uu ku guuleysan lahaa saaxiibkiisa Real Madrid Cristiano Ronaldo.

Manuel Neuer, Philipp Lahm, Thomas Muller, Bastian Schweinsteiger, Toni Kroos iyo Mario Gotze oo dhamaantood Koobka Adduunka la qaaday xulka Jarmalka ayaa ku jira musharaxiinta abaalmarinta Ballon d’Or, Platini ayaana aaminsan inay tahay inuu midkood ku guuleysto taasoo uusan la dhicin Arbeloa.

“Anigoo ixtiraam muujinaya, waxaan fahmi weysanahay sida madaxweynaha Uefa uu aragti shaqsi ah uga dhiiban karo arintaan ama sida uu cid gaar ah u taageeri karo” ayuu yiri daafaca Real Madrid.

“Cida ku guuleysaneysa Ballon d’Or sannadkan durbaba magac ayuu leeyahay. Haddii aan daacad u hadlo ceeb ayay ku tahay qaban qaabiyayaasha in sannadkan uusan jeer dood ku saabsan cida ay tahay inay ku guuleysato Ballon d’Or.

“Qof walba oo kubada cagta wax ka yaqaana waxa uu igu raacayaa in Cristiano uu ahaa xiddiga ugu fiican weliba uu meel fog u jiro inta kale. Sannadkiisa waxa uu aha mid cajiib ah, waxaana uu jabiyay rikoorada Champions League.

“Hadalkaan uma dhacayo kaliya inaan isku koox nahay, cid walba ayaa og in guuleysataha uu noqdo Cristiano.”

Seddexda xiddig ee isagu soo hareysa tartanka Ballon d’Or waxaa lagu dhawaaqi doonaa maalinta isniinta ka hor inta aan xaflada Ballon d’Or la gaarin 12ka bisha Janaayo.

Weeraryahanka Bastia Brandao ayaa lagu xukumay hal bil oo xabsi ah ka dib markii uu herdiyay xiddiga khadka dhexe ee PSG Thiago Motta, laakiin xiddiga reer Brazil ayaa laga yaabaa inuusan wax waqti ah ku qaadanin xabsi dhexdiisa.

34 jirkaan weerarka ka ciyaara ayaa khamiistii lagu helay danbi ah inuu jirdilay xiddiga Talyaaniga kulankii Parc des Princes ka dhacay bishii August 16keeda ee horyaalka Ligue 1.

madaxa maxkamada sixitaanka Paris ayaana Brandao ku xukumay inuu muddo bil ah xabsi galo islamarkaana uu bixiyo ganaax lacageed oo gaaraya 20 kun euros, laakiin waxa uu intaas ku daray in heshiis la gaari karo oo keeni karta in ciyaaryahanka ka fogaado wax xabsi ah taas bedelkeedana uu qabto shaqo dadweyne sida inuu xaaqo muddo wadooyinka iyo meelaha dadka isagu yimaadaan.

Dhacdadaan ayaa dhacday markii PSG ay 2-0 kaga badisay Bastia, waxaana qabatay kaamirooyinka iyadoo Brandao uu tunnel-ka dhexdiisa ku sugayay Thiago Motta inuu soo galo ka hor inta uusan ku qeylinin ka dibna herdinin xiddiga khadka dhexe.