Munasabada xuska asaaskii dowladda puntland oo ku beegan 01 Aug 2012 ayaa xaflad  balaran lagu xusay Magaalada Garoowe ee xarunta Dowladda puntland,waxaana kasoo qaybgalay Golayaasha dowladda oo uu hogaaminayo madaxweyne Faroole,hay,adaha kale ee dowladda,Hay,ado Caalami ah iyo kuwo maxali ah

Madaxda dowladda ayaa  Xafladda kaga soo qaybgalay iyadoo ay lug kaga soo baxeen aqalka madaxtooyadda ayna ku yimadeen halka xuska lagu qabtay ee Barxadda wayn ee Magaaladda Garoowe,waxaana halkaas kusoo dhaweyey kumanaan dadweyne ah oo tubnaa wadada hareereheeda, lulayey Calamada Soomaaliya,Puntland iyo Caleemo oyan ,kuwasoo ku qaylinayey erayo ay ka mid ahayeen " Soo dhawada madaxdii dalkoow,noolaada iyo kuwo la mid ah.

Munasabadda xuska ayaa waxaa socod dheer lagu maray wadada dheer ee isku xirta magaaladda ,waxaana socdaalka maray Ciidamadda Darawiishta,Asluubta,Badda,Baanbayda,Shaqaalaha dowladda,Ardayda,xoogsatada,Haweenka,Dhalinyarada aasha iyoCiyaartowga ,Fardoolayda,Motawadayaasha iyo dhamaan qaybaha bulshada kala duwan. 

Madaxweynaha puntland C/raxmaan Maxamed Faroole ayaa hadal ka jeediyey munasabadda waxaana uu ugu horayn u mahadceliyey qaybaha bulshada puntland sida diiran ee ay ugu dabaaldegeen maalintan oo qiimo badan ugu fadhida dadka puntlan,isla markaana waxaa uu alle uga baryey in sanadka sanadkiisa kale ay ku garaan barwaaqo,baraare iyo Nabadgelyo..

Madaxweynuhu waxaa uu sheegay in puntland qayb ka tahay dowlad Federal oo soomaaliyeed oo lagu wado in la ansixiyo Dastuurka Dowladda soomaaliya oo shirkiisu ka socdo magaaladda Muqdisho,sidaa awgeed munasbadan waxaa ay ciidanka puntland ku matalayaan kuwii qaranka soomaaliyeed.

Madaxweyne Faroole ayaa shacabka puntland ugu baaqay in ay adkaystaan nabadda iyo sharafta ay haystaan iyadoo ay meel uga soo wada jeensanayaan gacana isaga qabanayaan cidkasta oo isku dayda majaxaabinta bulshada iyo dowlada puntland.

Munasabadda oo kusoo aaday xilli lagu jiro bishii ramadaan ee barakaysnayd ayaa khudbadda munasabadda ee Madaxweynaha laga dhigay qaybta labaad ee xuska oo lagu wado in la qabto caawa ayna ka dhacdo aqalka madaxtooyadda dowladda puntland ee Garoowe.

Xafladda ayaa ahayd mid kusoo dhamatay jahi degan oo nabadeed iyadoo ciidamadda amaankuna ay si wayn  u sugeen Nabadgelyadda goobta iyo guud ahaan magaaladda Garoowe.

Iyadoo maalmihii dambe Muqdisho uu ka socday shirka ergada ansixinta Dastuurka islamarkaana ergada guddi guddi ay uga doodayeen qodobada ku qoran Dastuurka cusub ee Soomaaliya ayaa maanta waxaa lagu wadaa in la ansixiyo Dastuurkaasi.


Wasiirka Dastuurka iyo dib u heshiisiinta Xukuumadda KMG ah ee Soomaaliya C/raxmaan Xoosh Jibriil ayaa shaaca ka qaaday in maanta la ansixin doono dastuurka cusub.

Shalay ayaa waxaa soo dhamaaday qorshe ay ergadu kusoo gudbinayeen qodobada dastuurka oo ay kasoo doodeen muddo 7-beri ah, maantana waxaa lagu wadaa in qalinka lagu duugo dastuurka cusub, iyadoo maalinta berri ee Khamiistana ay dhici doonto munaasabaddii lagu soo bandhigi lahaa dastuurka cusub.

Dhanka kale qaar kamid ah ergada ansixinta dastuurka ee ku shiraysa Muqdisho ayaa soo dhaweeyay ansixinta dastuurka cusub, waxayna sheegeen inay ku qanacsan yihiin qaabka ay iminka wax u socdaan.

Haddii maanta la ansixiyo dastuurka cusub waa talaabo tilmaamaysa in Dowladda ay ku guulaystay meel marin mid kamid ah qodobada ugu adag ee geedi socodka nabadda Soomaaliya.



 

Munaasibadan oo xadhiga lagaga jarayey xarunta caafimaad ee MCH ka Degmada Ceegaag ayaa ka dhacday isla degmadaasi, waxaana munaasibadani kasoo qayba galay Waxgarad, Culuma awdiin, Ururada Bulshada, Haween, Dhalinyaro, Iyo marti sharaf kale oo aad u tira badan.


Hadaba muuqaalka munaasibadaasi Halkan ka daawo.......
http://www.youtube.com/watch?feature=player_embedded&v=42SxxJSpa4Y

Xafiiska Wararka Ee Jornalizem.com

Shir balaadhan oo ay kasoo qayb galeen dhamaan qaybaha kala duwan ee bulshada ku dhaqan Degmada Boocame ayaa maanta ka dhacay xafiiska Ururka Dhalinyarada ee Khaatumo Daryeel Dalka iyo Dadka ee degmada boocame.

Shirkan oo ula jeedkiisu ahaa sidii Degmada loogu samayn lahaa Maamulka Degmada kaas oo qayb ka noqon doona Horumarinta iyo Dhaq Dhaqaajinta Hawlaha Maamulka Khaatumo State ee Degmada Boocame ayaa waxaa lagaga  hadlay sidii loogu dadaalihaa in laga hirgalo Degmadaasi Maamul rasmi ah, kaas oo ururin doona cashuurta kasoo xaroota Degmada Boocame.

Shirkan oo ay ka hadleen waxgarad iyo aqoon yaho kasoo jeeda Degmada Boocame ayaa ku qoto dheeraaday muhiimada ay leedahay in Maamul rasmi ah laga hirgalayo Degmadaasi kaas oo hoostaga Maamulka Khaatumo State, waxaa shirkani lagu soo qaaday in muhiimad gaar ah lasiiyo Maamulka Khaatumo isla markaana laga saacido dhanka Baahinta Maamulka iyo soo xaraynta dakhliga cashuuraha.

Hadaba shirkani ayaa waxa uu kusoo dhamaaday jawi dagan, iyadoona dhinacyadii kasoo qayb galay la isla garteen in Maamulka Degmada sida ugu dhakhsaha badan laga fuliyo Degmadaasi.


Wariye Abdirahman Wadani

Email axmedyare1001@hotmail.com

Buuhoodle Soomaaliya

Munaasibadan oo  xadhiga lagaga jarayey xarunta caafimaad ee  MCH ka Degmada Ceegaag ayaa ka dhacday isla degmadaasi. waxaana munaasibadani kasoo qayba galay Waxgarad, Culuma awdiin, Ururada Bulshada,  Haween, Dhalinyaro, Iyo marti sharaf kale oo aad u tira badan.
Hadaba munaasibadani oo ahayd mid aad u balaadhan ayaa waxa ugu horeynba ka hadlay hawl wadeenka xaruntan caafimaadka MCH ka ee Degmada Ceegaag Cabdiriigle Xaaji Cali,  isagoona sheegay in aad u muhiim  tahay xaruntani isla mar ahaan taana ay wax badan kusoo kordhin doonto hawlaha caafimaad ee Deegaanka. 

Sidoo kale waxaa uu masuulku u  mahadceliyey GOVERNMENT ALBERTO oo ah gobolka mida Canada iyo Hay'adda waxbarashada iyo hurmarinta reer miyiga ee loo soo gaabiyo SCARDO Islamar ahaantaana waxaa uu amaan weyn u soo jeediyey qurba joogta kasoo jeeda Degmada Ceegaag. 

Waxaa isna halkaasi ka hadlay Proffessor  C/risaaq Maxamed Aadan (Lafoole)  oo ah Gudoomiyaha Jaamacada Nugaal ee Magaalada Laascaanood, isagoona si weyn usoo dhoweeyey dhismahani isla mar ahaan taana xusay in aad uu ugu baahnaa Deegaankani in laga fuliyo xarun noocan oo kale ah, waxa uuna ugu dambeyntii uu xadhiga ka jaray xaruntani isagoona u rajeeyey dadka Deegaanku in ay kaa faa'iidaysan doonaan. 

Hadaba dhamaan mas'uuliyiin ka hadashay munaasibadani ayaa xusay inay tahay in muhiima xaruntani waxa ayna munaasibadaasi kusoo dhamaatay jaw dagan oo farxadi ku dheehan tahay. 


Wariye Abdirahman Wadani 
Email axmedyare1001@hotmail.com 
Xafiiska Wararka Ee Jornalizem.com

Xubnaha sar sare ee Dowladda KMG iyo saxiixayaasha Road Map-ka ayaa looga yeedhay Magaalada Nairobi ee xarunta dalka Kenya, waxaana la sheegay inuu u yeedhay safiirka Maraykanka u qaabilsan arimaha Soomaaliya ee fadhigiisu yahay dalka Kenya.

Warar ku dhow dhowr  safiirka ayaa sheegaya inuu si isku mid ah ugu yeedhay mas’uuliyiinta sar sare ee Dowladda KMG Soomaaliya iyo saxiixayaasha Road Map-ka, kuwaas oo sida la sheegay lagala hadi doono dhamaynta xilliga KMG  in 20-ka bisha August aysan ka dabamarin ayna soo afjaraan  xilliga KMG ee ay hadda ku shaqayso Dowladdad KMG Soomaaliya. Sida wararku sheegayaan  Madaxda Dowladda KMG iyo Saxiixayaasha Road Map-ka ayaa kula kulmaya Magaalada Nairobi ee xarunta dalka Kenya xoghayaha arrimaha dibadda dalka Mareykanka Hillary Clinton oo aan la faah faahin waxyaabaha ay sida tooska ah ugala hadlayso.

In kastoo loo malaynayo inay kala hadlayso dhamaynta xilliga KMG ee hadda lagu shaqeeyo iyo sidii loo dhamayn lahaa xilligii loogu talagalay oo ah 20-ka bisha August ee soo socota. Warku waxa uu  intaasi ku darayaa in  xubnaha sar sare ee Dowladda KMG ayaa ka ambabaxaya 3-da bisha August Magaalada Muqdisho, iyagoona xubnaha kale ee saxiixayaasha Road Map-ka ay kaga biiri doonaan Magaalada Nairobi oo ay qaarkood hadda joogaan, halka qaar kalena ay ku sugan yihiin gobolada dalka Soomaaliya.

Hadaba ilo xog ogaal ah ayaa sheegaya in kulankii ugu dambeeyey ee saxiixayaashu  ay yeeshaan ay la yeelan doonaan xubno kale oo ka tirsan beesha caalamka oo  fadhigoodu yahay Magaalada Nairobi, iyadoona laga yaabo in wax badan laga badalo siyaasada dalka iyo hab raaca Roadka Mapka.

Kulanka ay la yeelanayaan xoghayaha arrimaha dibadda ee dalka Maraykanka Hillary Clinton ayaa laga cabsi qabaa inuu saamayn ku yeesho warbixin maanta ay Gollaha Ammaanka ee Qaramada Midoobay ka soo saareen musuq maasuqa hadheeyey madaxda sare ee Dowladda KMG Soomaaliya oo ay kooxda la socodka cunaqabataynta hubka ee Soomaaliya ka gudbiyeen warbixin ka hadlaysay sida loogu xad gudbay dhaqaalaha Soomaaliya, isla markaasna madaxda Dowladda KMG  wixii ay doonaan ay ka sameeyaan dhaqaalaha  loogu tala galay Dalka Soomaaliya.

Xafiiska Wararka Ee Jornalizem.com

Doodan oo ka socotay Telefishin isla markaasna ahayd mid toos ah Live loo daawanayey ayaa qarka u istaagtay in dhiig ku qubto oo rasaas ka bilaabmato, ka dib markii laba siyaasi oo doodaasi ka qayb galayey ay sheekadu ka xumaatay ayna gaadhay gacan ka hadal dhexmara oo waliba ay dhacday in Baastoolado la isula soo baxo.

Doodan ayaa ka socotay Telefishin fadhigiisu yahay wadanka Jordan oo lagu magacaabo Jo Sat, iyadoona dhexmartay xildhibaan Mohammad Shawabka & Siyaasi Mansour Sayf al-Din Murad waxa ayna ka doodayeen xaaladaha siyaasadeed iyo qaska dagaal ee ka aloosan wadanka Suuriya.




Balse dooda oo qadhaadhaatay ayaa waxa ay keentey in aflagaado iyo cay toos la isu jeediyo isla markaana waxay ugu dambeyntii gaadhay in xildhibaan Mohammad Shawabka uu Baastoolad iska soo jaro, uuna ugu hanjabo in ninkii uu la dooday indhihiisu inay cirka eedi doonaan oo xabaalaha loo qaadi doono.

Muwaadin Marayakan ah oo lagu Magacaabo Shaker Masri ayaa racfaan ka qaatay xukun maxkamad ku taala Gobolka Chicago ee dalka Maraykanka ay damacsaneyd inay ku xukunto 15 sano oo xabsi ah.

Shaker Masri oo 28 jir ayaa qirtay in xilligii la qabtay oo ahayd 2010ka uu damacsanaa inuu soo aado dalka Soomaaliya, islamarkaana uu ku biiro Ururka Al shabaab balse waxa uu sheegay inuu baadi goob ugu jiray dhaqaalo uu ku aado dalka Soomaaliya.

Muwaadinkan ayaa sidoo kale sheegay inuu xidhiidh la lahaa qaar kamid ah saaxiibadiis oo ku sugan koonfurta dalka Soomaaliya, kuwaas oo ka bar bar dagaalamayey Ururka Al-shabaab.

Maxkamadan ayaa muwaadinkan maraykanka ah u qorshanaysay inay ku xukunto ilaa 15 sano oo xabsi ah iyo ganaax lacageed oo gaadhaya $250,000, waxa uuna muwaadinkani dalbaday in laga khafiifiyo xukunka lagana daayo ganaaxa sida uu ku qoray warqadii racfaanka ahayd ee uu u diray maxkamadda.

Xafiiska Wararka Ee Jornalizem.com

Xoghaya arimaha diba ee Dalka  Maraykanka Mrs Hellery Clinton ayaa booqasho qaaadan doonta  ilaa 11-maalmood ku maraysa qaar kamida wadamada qaarada Afrika, Mrs Hellery Clinton ayaa  ka digtay halista islaamiyiinta Soomaaliya oo ay sheegtay in ay khatar ku yihiin wadamada Afrika.  Clinton oo haatan lugteedii koowaad ee safarkeeda ku joogta wadanka Senegal ayaa la filayaa in ay u duusho wadanka Koonfur Afrika, sidoo kalena waxaa la rajaynayaa in  ay safarkeeda ku tagi  doonta wadamada, Koonfurta Suudaan, Kenya, Uganda, iyo  Mawali.

Clinton ayaa diirada ku saaraysa booqashadeedan ay ku marayso  qaarada afrika kooxaha Islaamiyiinta ee kasoo ifbaxay waayahii u danbaysay qaarada Afrika, iyadoona carabka  ku dhufatay in wadamada Soomaaliya iyo Maali  oo ay sheegtay inay kasoo socoto khatar weyn oo wada saamayn doonta qaarada oo dhan hadii aan si isku mid ah  looga hortagin.

Wasiirka arimaha dibada ee dalka  Maraykanka ayaa cambaaraysay doorka wadanka Shiinaha ee qaarada afrika, waxayna sheegtay in maalgalinta Shiinuhu kawado Afrika ay ka faa’iidaystaan kooxo xagjir ah oo ku sugan qaarada Afrika kuna  fuliya lacagahaasi falal amaan daro.

Hadaba booqashani ayaa noqonaysa tii ugu horaysay ee Clinton ay ku timaado wadamada afrika, iyadoona laga yaabo in ay maraykanku uu qorshanayo sidii weerar baahsan uu ugu qaadi lahaa xoogaha xaq jirka ee ka jira dalalka afrika.


Xafiiska Wararka Ee Jornalizem.com

Taliyaha Booliska Somaliland Jen: Cabdillaahi Fadal Iimaan ayaa sheegay in hawlgal balaaran oo ciidanka Boolisku ay ka sameeyeen magaalada Hargeysa ay kusoo qabqabteen illaa kontomeeyo tuug kuwaasoo maalmihii u dambeeyey falal tuuganimo ah kula kacayey dadweynaha.

Taliyaha ayaa sheegay in hawlgalkan lagu qabqabanayey Tuugta ay ahayd mid lagu xoojinayey amaanka guud ahaan dalka iyo dadweynaha, kuwaas oo maalmahan dhibaato weyn ku hayey dadweynaha caasimadda ku dhaqan.

Taliyaha booliska oo maanta warbaahinta kula hadlayey xafiskiisa ayaa sheegay inay dadweynuhu aad uga cawdeen tuug dhibaato ku haysa dadka, waxaanu xusay in dhamaan gobolada iyo degmooyinka hawl-galo sidan oo kale ahi ka socdaan, isla markaana lagu bartilmaamaysanayey  tuugtaas dadka dhibayey, amnigana khalkhalgalinaya, waxaanu sheegay in  34 ka mid ah tuugtaas maxkamadda la horgeeyey loona gudbiyey xabsiyadda dalka.

Dadweynaha Somaliland ayaa maalmihii u dambeeyey Tuug badan oo xoog dadka wax kaga qaadayey ku soo bateen magaaladda Hargeysa, kuwaas oo shacabku cabasho weyn usoo jeediyey in ciidanka boolisku wax ka qabtaan, waxaanay talaabadani tahay mid wax lagaga qabanayo tuugtan bisha Ramadaan khatarta ku haya dadweynaha.

Dhinaca kale, Taliyaha Boolisku waxa uu gaadiidleyda, gaar ahaan Basaska Qaadda Ardayda usoo jeediyey digniin ah in marka ay ardayda iskuuladda tagay sidaan aanay xawaare sare ku socon, kuwaas oo marar badan halis galiyey arday aad u yar yar oo Basasku qaadaan, waxaanu sheegay in Baskii xawaare sare ku socda la qaban doono, sharcigana la hor geeni doonno.

Sidoo kale, waxa shalay 365 askari oo ka tirsan ciidanka Booliska oo muddo afar bilood baranayey shuruucda iyo tobabarka ciidanka loogu soo xidhay xarunta tobabarka ciidanka booliska ee Mandheera, waxaana xafladaasi ka qaybgalay, madaxweyne ku xigeenka Somaliland Cabdiraxmaan Saylci, Taliyaha ciidanka booliska iyo dhawr wasiir.

Madaxweyne ku xigeenka ayaa bogaadiyey ciidankan tobabarkan dhamaystay, waxaanu ku booriyey inay dadkooda iyo dalkoodda u shaqeeyaan, iskana ilaaliyaan inay wax laaluush ah qaataan, cadaaladdana ilaaliyaan. 

Hal qof ayaa ku dhintay afar kalena waa ay ku dhaawacmeen qarax miino oo maanta wadada warshadaha lagula eegtay Gaadhi ay la socdeen Ciidamada Dowladda, iyadoo qaraxa kadib Ciidamada Dowladdu  ay qab qabteen sodomeeyo qof oo ahaa dad rayid a, kuwaas oo  ka ag dhowaa halka qaraxu ka dhacay.

Qaraxan ayaa ka dhacay nawaaxiga Warshadii Coca Cola oo hor marta Jidka Warshadaha, waxaana qaraxa uu waxyeelo u geystay gaadhi rakaab ahaa oo dad rayid ay saarnaayeen.  Wararka ayaa sheegaya in qaar kamid ah dadka dhaawacmay ay haleeshay rasaas ay fureen Ciidamada Dowladda markii uu qaraxu dhacay kadib.

Goob joogayaal ayaa sheegay in qaraxaasi  aan wax khasaare kasoo gaadhin Ciidamada Dowladda, hase ahaatee dadka rayidka uu wax yeeleeyey.

Dadka ay qab qabteen Ciidamada Dowladdu ayaa la geeyey Warshadii Baastada oo fadhiisin u ah Ciidamada Dowladda, waxaana qaraxan uu saamayn ku yeeshay isu socodka wadada Warshadaha, gaar ahaan gaadiidkii ka shaqaynayey Suuqa Xoolaha iyo Suuqa Bakaaraha.




Xafiiska Wararka Ee Jornalizem.com

Boqolaal Malyuun oo qof  ayaa Koronto la'aan ah maalintii labaad Gobollo ku yaala Waqooyiga iyo Koofurta dalka Hindiya, kadib markii cilado ay soo wajaheen Matooradii dabka siinayay.


Gobolladan laga soo sheegay ee koronto la'aanta ah ayaa qaarkood dadka ay la soo darseen xaalad dhanka noloshooda ah waxaana badankood ay ku xayirmeen deegaanadooda.

Kala badh dadka ku nool Hindiya ayaa Koronto la'aan ah waxaana saamaynta ugu badan ku yeelatay Tareenada oo gebi ahaanba istaagay, Cisbitaalada qaar ayay saamaysay Koronto la'aantaasi,  kuwaas oo bukaanadii  ku jiray lagala soo baxay.

Magaalooyinka Koronto la'aanta ah ayaa kala ah Delhi, Punjab, Haryana, Uttar Pradesh, Himachal Pradesh iyo Rajasthan oo ah Gobollka waqooyi, sidoo kale waqooyiga iyo Galbeedka Hindiya oo kala ah Bengal, Bihar, Orissa iyo Jharkhand oo koofurta ah ayaa iyana koronto la'aan ah.


Laakiin qaar ka tirsan magaalooyinkaasi  ayaa si aad ah u saamaysay  koronto la'aantu, hase yeeshee waxay isticmaalayaan Shirkado Koronto gaar loo leeyahay.

Ilaa 350 Tareen oo isaga kala gooshi jiray Gobolada Hindiya ayaa istaagay koronto la'aanta awgeed, waana taariikhda markii ugu  horaysay oo Koronto la'aan caynkan ah oo kale ay soo wajahdo Gobolada Hindiya.




Xafiiska Wararka Ee Jornalizem.com

 Madaxweynaha maamulka Galmudug, Col. Maxamed Axmed Caalin oo ku sugan magaalada Nairobi oo dhawaan wadnaha looga qalay ayaa sheegay inuu soo dhaweynayo shirka ansixinta dastuurka ee Muqdisho ka socda, isagoo ka digay doorashooyin madaxweyne oo ka dhaca Galmudug.

Col. Caalin oo u warramayay VOA-da ayaa sheegay in ergadii shirka uga qaybgeli lahayd shirka ansixinta dastuurka ee Muqdisho ka socda ay mar hore direen, isagoo xusay inaysan iyagu doonayn inay horistaagaan horumar ay Soomaaliya gaarto.

"Waxaan maqlay inay laba doorasho ka kala dhacayso Galmudug, balse waxaan ka digi lahaa in la qabto doorashooyinkaas, waxaana ku talinayaa in loo hogaansamo rabitaanka shacabka oo laga leexdo in qori iyo hunguri wax lagu noqdo," ayuu yiri Col. Caalin.

Madaxweynaha Galmudug wuxuu sheegay inaysan jirin xilli cayiman oo uu isagu u qabtay inay doorashooyinka madaxnimo dhacaan, isagoo xusay inuu doonayay in la qabto kulan ay kasoo baxaan wax la isku raacsan yahay.

"Anigu weli ma oran maalin heblo ayay doorashadu dhacaysaa, waxaana diidanaa inuu isku dhac yimaado, waxaana jeclahay in la isla fariisto oo wax la isla gaaro, ma doonayo inaan wax ku darsado dhibaatada socota, ciddii howsha wadda ayaana qaadaysa mas'uuliyada wixii ka dhasha," ayuu yiri madaxweynaha Galmudug.

Sidoo kale, madaxweynaha Galmudug wuxuu sheegay in doorasho la qabto inay ka wanaagsan tahay in marka hore wax la iska weydiiyo waxyaabihii ay Galmudug ka dhaqaaqi waday, si go'aan mideysan loo qaato. Isagoo ugu baaqay Jen. Cabdi Qaybdiid oo ka mid ah xubnaha doorashada u tartamaya inuu ogolaado in lawada fariisto wixii shacabku doonayaanna la isku raaco.

"Haddii ay aniga i leeyihiin noo tanaasul, waxaana u sheegayaa anigu haddaba kuma jiro orod iyo dadaal doorasho," ayuu yiri Col. Caalin oo sheegay inuu aad u wanaagsan yahay caafimaad kaddib qalliin looga sameeyay wadnaha uuna sugayo baaris, balse ma sheegin halka uu aadayo markii baaristu u dhammaato.

Wararka la helayo ayaa waxay sheegayaan in maalinta berri ah lagu wado inay ka dhacdo Koonfurta magaalada Gaalkacyo oo ay Galmudug ka taliso doorashooyin madaxweynnimo, taasoo ay ku tartamayaan lix murashax oo mid walba uu doonayo inuu xilka isagu qabto.

Haweenki ka qeybgalayey shirweynaha lagu ansixinayo dastuurka Soomaaliya ayaa maanta isaga baxay fadhiga kadib marki ay sheegeen in la dhageysan waayey cabashadooda.

Haweenkan oo door ku lahaa maalmahan oo dhan ka qeybgalka shirka oo ka socda magaalada Muqdisho ayaa sheegay in ogaadeen in ay weyn doonaan tiradi loo qoondeeyey ee aheyd %30 xildhibaanada baarlamaanka.

Arintaan ayey ku macneeyeen in beelaha Soomaalida ay intooda badan soo xusheen mudanayaal rag ah taasi oo daaqa ka saareyso in haweenka ay helaan kuraastooda.

Sida ay wararku sheegayaan waxaa haatan ka socda xarunta shirka kulan gaar ah oo ay haweenka la leeyihiin wasiirada haweenka iyo arrimaha qoyska Dowlada KMG Soomaaliya Maryan Aweys.

Arintaan ayaa hadii aanan la xalin saameyn ku yeelan karta habsami u socodka shirka lagu ansixinayo dastuurka oo lagu wado in maalinta Khamiista ah lasoo gaba gabeeyo.

Ururka Jaamacadda Carabta ayaa shaaciyay in uu xoghayaha ururkaas uu soo booqan doono magaalada Muqdisho, bisha October ee soo socota.

War qoraal ah oo ka soo baxay xarunta Jaamacadda Carabta ee Qaahira, ayaa lagu sheegay in Nabiil al-Carabi xoghayaha guud ee ururka Jaamacadda Carabta uu immaan doono magaalada Muqdisho ee caasimadda dalka Soomaaliya.

Go’aankan ayaa soo baxay markii uu dhaqaan magaalada Qaahira ee xarunta dalka Masar uu kula kulmay la taliyaha madaxweynaha Soomaaliya ee arrimaha waddamada Carabta, kaas oo xoghayaha gaarsiiyay fariin qoraal ah oo ka timid madaxweynaha dowladda KMG ah Soomaaliya.

Warka qoraalka ayaa lagu sheegay in Jaamacadda Carabta ayaa lagu sheegay in ay taageerayso daddaallada uu wado madaxweynaha dowladda KMG ee Soomaaliya Sheekh Shariif Sheekh Axmed si dowladdu ay u xaqiijiso dib u heshiisiin guud oo ka dhacda dalka Soomaaliya, iyo laga baxo xiliga KMG ah oo ku eg bisha August ee sannadkan.

Arrintan ayaa lagu sheegay in looga gunleeyahay, siddii Jaamacadda carabta Nabiil al-Carabi uu sheego in uu immaanayo Muqdisho, tan iyo markii la doortay sannadkii hore.

Raisul wasaaraha Somalia C/weli Maxamed Gaas ayaa sheegay in la dhisi doono ciidamo awood leh oo dhinaca badda ah si ay uga hor tagaan kooxaha burcad badeeda ah ee soo afduubta maraakiibta iyo doonyaha shisheeye ee sida sharci darada ah uga kalluumeysta xeebaha Somalia.

C/weli Maxamed Gaas waxaa uu sheegay in xaalufin ba’an lagu hayo kheyraadka badaha Somalia, isagoo xusay in ay jiraan maraakiib ay leeyihiin dowlado caalamka ka tirsan oo si sharci daro ah uga kalluumeysta biyaha Somalia.

Waxaa uu intaa ku daray raisul wasaare Gaas iyo in kaluun lagu qiyaasay balaayiin dollar sanad walba laga xado xeebaha Somalia taasoo uu sheegay ineysan jirin cid wax iska weydiisa ama u istaageysa iney wax ka qabato.
 
“Waxaa mar kasta la sheegaa dhalinyarada yar yarka ah ee markii ay shaqo la’aantu qabatay baddaha ku yaacay ee burcada noqday waa run waxa ay ku jiraan waa dembi haddana kan ay galaan ayaa la buun buuniyaa ee dembiga ah dhaca lagu hayo kheyraadka badaheena cidina wax iskama weydiiso laakiin anaga waan sheegnaa mar kasta” ayuu intaa ku daray raisul wasaare Gaas.

Hadalka raisul wasaaraha Somalia C/weli Maxamed Gaas ayaa ku soo aadaya xili xeebaha geeska afrika ay joogaan maraakiib dagaal oo ay leeyihiin Gaashaanbuurta NATO iyo midowga Yurub kuwaasoo sheega iney la dagaalamayaan burcad badeeda hase ahaatee lagu eedeeyo iney ilaalo u yihiin maraaiib kalluumeysi oo dalalkooda laga leeyahay si sharci daro ahna uga jilaabanaya badaha Somalia.

Wasarada Gaashaandhiga ee xukuumada KMG Somalia ayaa beenisay warar ay qoreen qaar ka mid ah warbahinta dalka Ingiriiska oo sheegayey in askar ka tirsan ciidamada dalkaas ay joogaan magaalada Muqdisho qeyb ka ka qaadanayaan dagaalka lagula jiro xoogaga Al-Shabaab.

Xuseen Carab Ciise wasiirka difaaca ee xukuumada Somalia ayaa sheegay in wararkaas ay yihiin kuwo been abuur ah aaney wax ka jirin ayna buun buuniyeen saxaafada reer galbeedka.
 
Ma jiraan ciidamo ka tirsan dowlada Ingiriiska oo Soomaaliya jooga, kulamana heshiinin iney ciidamo noo keenaan, dalka waxaa ka howlgala ciidamo ka socda midowga Afrika oo AMISOM la yiraahdo” ayuu yiri Xuseen Carab Ciise.

Wasiirka difaaca ayaa sheegay iney jiraan khubaro milateri oo ka socda dowlada Ingiriiska tiradoodana aysan ka badnbeyn toban nin kuwaasoo tababaro dheeraad ah iyo talooyinba siiya ciidamada AMISOM iyo kuwa dowlada Somalia.

Dhowaan ayey aheyd markii qaar ka mid ah warbahinta dalka Ingiriiska ay baahiyeen warbixino iyo sawiro muujinaya ciidamo British ah oo ku sugan degmada Afgooye ee gobolka Sh/hoose halkaasoo dhowaan xoogaga Al-shabaab laga saaray.

Ergooyinka ka qeyb galaya shirka ansixinta dastuurka ee ka socda hoolka Iskoolo buluusiyo ee magaalada Muqdisho ayaa lagu wadaa in maalinta beri ah ay cod gacan taag ku ansixiyaan dastuurka sida uu sheegay C/raxmaan Xoosh Jibriil wasiirka dastuurka ee dowlada Somalia.

Wasiirka ayaa intaa ku daraya in ergooyinka ka qeyb galaya maanta ay soo gebagebeyn doonaan doodo ay maalmahan ka lahaayeen qodobada dastuurka ka dib markii loo qeybiyey ilaa 10 kooxood, isagoo xusay in maalinta ah beri ahna ay ergooyinku cod gacan taag ah ku ansixin doonaan.
 
“Maalinta beri ah ee Arbaco ah waa la ansixinayaa dastuurka, maalinta xigta ee khamiista ahna xaflada xiritaanka ayaa la qabanayaa howshana sidii loogu talo galay ayey u socotaa” ayuu yiri wasiirka dastuurka.

Hadalkan ayaa ku soo aadaya xili heyadda culimada Soomaaliyed ay uga digtay ergooyinka ansixinta dastuurka iney meel mariyaan dastuurka, iyadoo Shiikh Bashiir Axmed Salaad gudoomiyaha heyaddaas uu sheegay in dastuurka ay ka buuxaan qodobo si toos ah u khilaafsan shareecada Islaamka.

Shiikh Bashiir ayaa sheegay in qodobada ugu waaweyn ee khilaafsan shareecada Islaamka dastuurkana ku jira ay ka mid yihiin, qabashada dumarka dhamaan jagooyinka, gudniinka gabdhaha ee aan fircooniga ahayn oo la cambaareeyay, da’da qaan-gaarnimada caruurta oo lagu qeexay 18-ka sano, xorriyadda diinta oo aan xadkeedii la caddeyn, loona baahan yahay in la soo celiyo faqraddii ahayd qofka muslimka ah kama bixi karo diintiisa iyo qodobo kale.

War hada soo dhacay ayaa sheegay in uu dhintay Ra,iisul wasaarihii Ethopia Meles Zenawi oo dadiisa aheed 57 sano xili la sheegay in muda uu xanuunsanaa iyadoona caawa adis ababa ay tahay goob la tiiraayadeeysan geeradii masuulkaasi

Geeradi abraha qariniga cusub ayaa la qarinaayey sida Alan sharoon oo wali la sheegin geeridiisa lakiin dhintay muda ka hor

Halkaan ka daalaco warka cadeenta dhimashada melez 
 
Dhanka kale Dhimashada Ra,iisul wasaarihii Ethopia Meles Zenawi ayaa soo dhaweyay Soomaali badan oo dhib iyo xasuuq ku haayey tanina waxay meesha ka saree in Soomaliya hesho nabad iyo kala danbeen madaama uu ahaa shaqsiga sida weyn uga haayey faragalinta tooska ah Ee Siyaasadda Soomaaliya.

Ugu Danbayntii Jaraa,idka iyo idaacadaha ku hadla afka Dowlada ayaa sheegay warkaan dhimashada Meles Zenawi iyadoona maal mahaan muran la geeliyey dhimashadiisa

R/wasaaraha Xukuumada Soomaaliya Cabdi Wali Maxamed Cali Gaas ayaa ugu baaqay ummada Soomaliyeed inay ka wada shaqeeyaan soo celinta nabbada Dalka Soomaaliya.

R/wasaaraha wuxuu sheegay in sanado badan dhibaatooyin colaado ah ay ka jireen Dalka Soomaaliyaa ,laakiin iminka cagta la saaray wadada nabbada Dalka Soomaaliya,loona baahan yahay in laga wada shaqeeyo nabad galyada.

Sidoo kale Gaas ayaa sheegay in horumar laga gaaray arimo ay ka mid yihiin ammaanka iyo ganacsiga ,wuxuuna sheegay in lasii adkeeynayo.

Dhanka kale C/Wali Maxamed Cali Gaas ayaa cadeeyay in horumar iyo nabad galyo lagu gaari karo in ummada Soomaaliyeed ay ku dadaalaan waxbarashada.

Wuxuuna ugu baaqay shacabka Soomaaliyeed ka shaqeynta sidii ubadkooda ay wax u bari lahaayeen si dalka horumar uu ugu talaabsado.

Xukuumada Soomaaliya ayaa sheegtay inay ku dadaali doonto soo celinta nabad galyada.

Kadib markii saaka waaberigii hore ay kooxo ku hubaysan baastoolado ay ku dhex toogteen gudaha Magaalada Baydhabo nin taksiile ah ayaa sida la sheegay kooxihii falkaasi gaystay waxa ay iskaga carareen goobtii ay falkaasi ka gaysteen.
 
Gudoomiyaha Degmada Baydhabo ee Dowladda KMG Soomaaliya Mudane Xasan Macalin Axmed Biikolo ayaa noo xaqiijiyey in ay gacanta kusoo dhigeen cidii falkaasi gaysatay.
 
Haba si aanu faah faahin dheeraad ah uga helno arintaasi ayaa waxaanu waraysi qoto dheer la yeelanay Gudoomiyaha Degmada Baydhabo ee Dowladda KMG Soomaaliya Mudane Xasan Macalin Axmed Biikolo waraysigaasina waxa uu u dhacay sidatana.
 
 
 
 
Xafiiska Wararka Ee Jornalizem.com

Qaar kamid ah Haweenka soomaaliyeed ee ku midaysan Ururka Dugsi ee Dalka Holland ayaa deeq raashin ah soo gaadhsiiyey dadka dan yarta ah ee ku dhaqan Magaalada Buuhoodle ee xarunta Gobolka Cayn.

Deeqdan raashinka ah oo iskugu jirtay Bariis, Bur, iyo Saliid ayaa waxaa ururka Dugsi u soo wakiishay Sheekh Mukhtaar Axmed Xaaji Faarax oo kamid ah culuma awdiinta Magaalada Buuhoodle, isagoona ugu horeynba ka warbixiyey Sheekh Mukhtaar Axmed Xaaji Faarax cida soo dirtay deeqdani iyo cadadka ay le'eg tahay.

Sheekh Mukhtaar ayaa sidoo kale xusay in deeqdani ay soo direen Ururka Dugsi oo ay Gudoomiye ka tahay Sahra Diiriye Gamaadiid, isagoona sheegay in deeqdani loo soo gaadhsiiyey lacag ahaan taas oo cadadkeedu dhamaa 1250 Dollar, isla mar ahaan taana ay qoysaskan da yarta ah oo ay tiradoodu dhan tahay ilaa 30 qoys ay raashin ugu gadee lacagtaasi.

Sidoo kale waxaa iyana halkaasi ka hadashay hooyo kamid ah qoysaskii deeqdani lasoo gaadhsiiyey, iyadoona uga mahad celisay Ururka Dugsi ee deeqdani soo gaadhsiiyey.

Ma aha markii ugu horaysay ee deeq noocan oo kale ah uu Ururka Dugsi soo gaadhsiiyo dadka dan yarta ee ah ee ku dhaqan Deegaanada Sool, Sanaag, iyo Cayn.


Xafiiska Jornalizem
Wariye:- Abdirahman Wadani

Email axmedyare1001@hotmail.com

Ra’iisal Wasaaraha Soomaaliya Dr.Cabdiweli Maxamed Cali ayaa maanta booqday xaruntii Ergada Ansixinta Dastuurka Iskuul Polizia ee Magaalada Muqdisho.                   
Ugu horeyn Wasiirka Dastuurka Xukuumadda Soomaaliya, Mudane C/raxmaan Xoosh Jibriil ayaa ka warbixiyay sida ay howshu u socoto islamarkaana tilmaamay inay si wanaagsan ay howshu u socoto, wuxuuna intaasi ku daray in Ergada Ansixinta Dastuurka iyo Gudigii Farsamada ay si wanaagasan u wada shaqaynayaan.
 
“Ra’iisal Wasaare howshu waxay u socotaa si wanaagasan waxaana guda galney doodii ku aadanayd Dastuurka waa laga dooday xeer hoosaadkii waana la ansixiyey, Dastuurkana waa loo wada akhriyey Ergada, waxaana howsha si hufan u wada Ergada Ansixinta Dastuurka iyo Gudiga Farsamada”.


Sidoo kale Ra’iisal Wasaare Ku-xigeenka ahna Wasiirka Ganacsigga iyo Warashadaha Xukuumada Soomaaliya Mudane C/wahaab Ugaas Xuseen Ugaas Khaliif ayaa aad uga mahad celiyay howsha ay Ergada Ansixinta Dastuurka u hayaan Umadda Soomaaliyeed, wuxuuna wax lagu farxo ku tilmaamay sidii wanaagsanayd oo ay u ansixiyeen Ergada iyo Gudiga Farsamada ee Xeer hoosaadka Dastuurka Soomaaliya.

Ugu danbayntii Ra’iisal wasaaraha ayaa uga mahad celiyey Ergada sida wanaagsan ee ay u wajaheen howsha Ansixinta Dastuurka, waxa uuna kula dardaarmay maadaama uu wakhtiga cidhiidhi yahay inay dadaal muujiyaan waana ku faraxsanahay ayuu yidhi  sida aad howsha u qaybiseen waxaana rajeynayaa inta dhimana inay si wanaagsan u dhamaystirmi doonto hadduu illaahay yidhaahdo.
 
Hadaba booqashadani ayaa qayb ka noqonaysa indha indhaynta iyo la socoshada arimaha dastuurka soomaaliya sida ay u socdaan waxaana ay madaxdu si aada ugu riyaaqeen sida ay u socoto hada howsha dastuurku....
 
Xafiiska Wararka Ee Jornalizem.com
 
Halkan Ka Daawo Sawiro………..

Dowladda Ugandha ayaa shaaca ka qaadday iney 3,200 oo Askari oo dheeraad ah usoo direyso Soomaaliya dhamaadka bisha soo socota ee August si ay u xoojiyaan Ciidammada Midowga Afrika ee howlgalka nabad ilaalinta u jooga Soomaaliya.

Wargeyska New Vesion ee ka soo baxa dalka Uganda oo soo xiganaya saraakiil sare oo ciidamada dalkaasi ka tirsan ayaa daabacay iney Dowladda Ugandha diyaarisay askar tiradoodu gaareyso 3,200 oo askari kuwaasi oo tababar muddo Afar bilood ay qaadanayeen loo soo xeray dhamaadka todobaadkii aynu ka soo gudubnay.

Taliyaha Ciidammada keydka ah ee dalka Ugandha Sareeye Gaas Levy Karuhanga ayaa sheegay in Ciidammadan hadda ay diyaar u yihiin iney ka qeybgalaan howlgalka nabadda loogu soo dabbaalayo Soomaaliya oo ay qaateen tababar ku filan.

“waxa ay soo bandhigeen farsamooyin heerkoodu sareeyo oo ay qaateen,waxaan aaminsanahay hadda iney u diyaar yihiin gudashada waajibaadka loo tababaray ee ah iney ka qeybgalaan howlgalka ay ciidamada doowlada u joogaan Soomaaliya oo Ammaanka lagu soo celinayo” ayuu warkiisa raaciyey Sareeye Gaas Levy Karuhanga Taliyaha Ciidammada keydka dalka Ugandha.

Sidoo kale Kornyal Stepehen Kashure oo ah taliyaha xerada Singo oo ay ciidammadan tababarka ku qaateen ayaa xusay in Ciidammadan ay yihiin kooxdii Todobaad ee tababarka ku qaadata xeradan islamarkaana Soomaaliya ka howlgasha tan iyo bishii August ee sanadkii 2011ka.

Dowladda Ugandha ayaa hadda ah dowladda ay ka socdaan ciidammada tiro ahaan ugu badan marka laga hadlayo Ciidammada Midowga Afrika ee ka howlgalaya Soomaaliya waxaana qorshahani uu qeyb ka yahay qorshe guud oo Midowga Afrika ku kordhinayo Ciidammada ka qeybqaadanaya howlgalka AMISOM si loo xoojiyo dagaalka ka dhanka ah kooxda Al-Shabaab.

Maqaal lagu qoray jariirada Lose Angles Times ee kasoo baxda wadanka Mareykanka ayaa lagu soo bandhigay macluumaad badan oo ku aadan doorka Mareykanku kuleeyahay wadanka Soomaaliya.

Major jen. David Hogg oo kamida saraakiisha ugu sareysa ciidamada wadanka Mareykanka oo qudbad ujeedinayey askar ka tirsan hawl galka AMISOM oo tababar loogu soo gabagabeeyey Magaalada Freetown ee caasimada wadanka Siiraliyoon ayaa yiri” waxaan idinka doonaya inaan aragno Somalia oo ka xorowda maamul xumada musuqmaasuqa iyo argagixisada, waan ogahay inaad diyaar u tihiin ayuu hadalkiisa kusii daray”

Waxaana sidoo kale goobtaasi ka hadlay taliyaha hawlgalada ciidamada Siiralyoon Brig. Jen kamba mondeh Mareykanku si weyn ayuu inoo gacan siiyey waan uga mahadcelineynaa taageeradooda hagar la,aaneed, dhanka kale isagoo la hadlayey askarta uu taliyaha u yahay ayuu ku yiri” kani waa dagaal khatar ah waxaase hubaal ah in qaar kamida meydadkiina dib loogu soo celin doono Siiralyoon.

Mareykanka ayaa AMISOM ka taageera tababarida ciidankooda hub, diyaaradaha drones, daawiiyin iyo jaakadaha rasaasta la iskaga difaaco Mareykanka, ayaan door muuqda ku lahayn siyaasada wadanka Soomaaliya tan iyo sanadkii 1993 oo uu ku fashilmay hawlgalkii raja soo celinta Soomaaliya ee UNISOM oo uu hogaaminayey Mareykanku kadib markii ay fooda is dareen dagaal yahano daacad u ahaa JEN Caydiid, dagaalkaas oo Mareykanka dhaxalsiiyey fadeexo balaaran kadib markii 18 askari looga dilay magaalada muqdisho markaasoo dad careysani ay meydadkii Mareykanka dhulka ku jiideen waxaana sidoo kale laga soo riday laba diyaaradood oo nooca BLACH HAWK DOWN ah.

Mareykanka ayaa sidoo kales ku fashilmay sanadkii 2006 tageero uu siinayey ciidamada itoobiya oo maalma kooban ku qabsaday wadanka soomaaliya u jeedadooduna ahayd iney meesha kasaaraan xoogagii maxaakiimta islaama oo haysta inta badan wadanka Somalia hasa yeeshee sadex sano kadib itoobayaa ayaa soomaalia ka baxday iyadoon ka gun gaarin hadafkii ay u soo gashay oo ahaa iney cagta mariso islaamiyiintii hubeysnaaa oo kusii xoogeystay soo galidii itoobiyaanka.

Warbixinta wargeyka lose angels oo soo xiganeysa masuuliyiin mareykan ah ayaa sheegaysa in amarada dagaal galinta amisom ay leeyihiin saraakiisha ameerikaana waxana warbixinta ku xusan inaan inta badan fagaarayaasha lagu arag hase yeeshee ay si hoose u shaqeeyaan.